Taiwan in ran rual pawl tlawng inn sungah luhter a siang

Taiwan in ran rual pawl tlawng inn sungah luhter a siang

Kan dung May 23,2010 ah China Times cun ‘Taiwan ram ih University thuneitu pawl cun tlawngta pawl cu an ran rual zuatmi pawl thawn ‘class-room’ ih luh a siang zo’ tiah a ngan. Taiwan ram nitlaknak lam ih um Hsinchu khawpi ih Hsuan Chuang University tlawngta pawl cun May 24, 2010 ihsin an ran rual zuatmi (pet animal) pawl cu class room ah an luhpi. University thuneitu pawl cun ‘tlawngta zokhalin an ran rual cu ca zirnak ah an hruai (keng lut) thei dingih,  ca zir lai ah anmai’ umnak (dormitories) ah feh ringring an tul nawn lo ding’ tiah an ti. Tlawngta pawl cu, uico, zawhte, zinghnam le sabek tivek pawl ken luh an siang.

Leitlun ih phunsang tlawng tam sawn ahcun tlawngta pawl cun an umnak room tinah an duhzawng ran rual an zuatmi an umpi theu ti a si. Leitlun huap ih zoh in phunsang tlawngta 47% cun ranrual zuatmi an nei loih, 23% cun zawhte an zuat ti a si. 20% cun uico an zuat ih, 6% cun vate (bird) an zuat. 1% cun reptile timi (laiking etc.) pawl an zuat ti a si. – dpa

Comments

comments

Comments

%d bloggers like this: