Taimaksuah Pumpeknak

September 20

Tlawngkai Nikhat 

Taimaksuah Pumpeknak 

Siar:

Johan 15:9-17 

Na umnak ahcun lungawinak a kim.      – Saam 16:11 

Kumkhat Sung Baibal:

–   Thusimtu 4-6

–    2 Korin. 12 

Maggie cu TV hi zianghman ah a siar lo.  TV vek thil fate zoh hnakin tukvirh ihsin khua kaupi a cuan sawn ding. Cabu siar khal a phuur lo. Asinan cabu pawl cip seksek ko nuai lawng a thiam. Asinan Jay le kei in ca kan siar, TV kan zoh tikah kan hnenah a tel ve ttheu. Kan tuahmi ah a nuam aw ve lo na’n kanmah thawn um tlang hi nuam a tituk. Maggie cu kan uico te a si. Thil dang hmuahhmuah hnakin kan kiangnai ih um hi nuam a tibik.    

“Taimaksuah (dogged)” timi ttongfang ih sullam sungah thinlung takih relcat awknak (determined) le baansan lo ih tuah ringring (persistent) timi a tel cih. Hih ttongfang in Maggie ih sinak a langter bangin, kanmai’ sinak mizia langtertu a si ding khal a thupi a si. 

Thinlung takin Pathian kan biak tikah a tuahmi thil hi kan hrangah zianghman tican nei lo vek bang hman sehla, Amah thawn um tlang kan duh. Thinheng vek a bang (Saam 88: 14) tikah, itthat vek a bang (44:23) tikah, mi hrokhrawl pawl an tthangso (Jere. 12:1) tikah, “Bawipa, ziangruangah?, ziangah si?” ti’n thu kan sut thei men. Asinan cuti cingin Amah thangtthat le biak kan baansan lo ahcun A umpitnak ruangah lungawinak famkim kan ngah ding (Saam 16:11).    

Thusuh duhmi kan nei ding ti cu Jesuh in a thei. Kan lungawinak a tlamtlin theinak dingah kan nunnak timtuah dingin a duhdawtnak sungah um ding in fial (John 15:9-10). Pathian ih thil ti daan cu sim fiang ding har hmansehla A duhdawtnak cu rin tlak a si. Curuangah catbaang loin taimak suah in pumpek ih kan thangtthat le kan biaknak a si.    – Julie Ackerman Link 

Kan duhdawtnak hi ttongkam men,

Caan tawite sung, phuurnak men siter ding a si lo;

Kan Bawipa a sunlawitertu duhdawtnak,

A thukmi pumpeknak thawn duhdawt aw.   – Hess 

Jesuh duhnak sungah um ding kan zir ngah asile

lungawinak tlamtling kan ngah.

(Visited 28 times, 1 visits today)

Comments

comments

Comments

%d bloggers like this: