Tahan D Group Veng Inn Himlo

bazar-11

Tahan Bazaar

Sbawite
Chinland Today
2 December 2013

Tahan: Tahan D groups veng ih inn pahnih cu rukru pawl in an bohsak ih an thil neihmi an lak sak. Veng um pawl cun hivek ih rukru pawl in nihnih sung rori ih inn hnih an boh ruangah thin nuam lole thlangphang zet in an um.

Ruktu pawl cun 31st December 2012 ah Pu Mang Khuai tei inn cu an bohsak ih an inn sungih an bizu le an thingkuang pawl cu naamte in an karh ih an thil neihmi pawl khal an lak sak tiin Chinland Today cun thuthang kan dawng. ‘An thil neihmi mankhung pawl cu an lak sak thluh ih an hmuan ih mandali an vulh mi tiangin alak sak thluh tiin’ hmintarlang duhlo cun telephone in Chinland Today hnenah a sim.

Pu Mang Khuai tei’ inn an bohsiat hnu reilo a thaizan 1st January 2013 ah Pu Tai Sum tei’ inn cu boh in an inn sung neihmi pawl sui zunghruk, naamsau le thil dangdang pawl le Pathian ram hrang an retmi Lawmbawm sumpai ziangzat ti cekci fianglo leh sumfai dang 80000 pawl an lak sak thluh.

Hi thilthleng hi an khawm lai veve ih thilthleng a si tiin thudawn a siih zo ih tuah ti cekci cu theih a silo. Veng upa pawlin hi thu pehpar in zingzoinak an neih le neihlo khal hi theihfiang a silo.

‘Tahan D group ih hi thilthleng ruangah veng dang pawl khal thlaphang  leh thinnuam lo zetin an um rero’ tiin hmin tarlang duhlo cun Chinland Today hnenah cun a sim tel ih ‘tu lawng silo in kan khawm sungah hivek thil thleng fate te sim tlak lo a um ṭheu, kan khawm caan le a bang aw thluh fawn siih, khawm ding hman thin a nuam lo zet’ ti khal cun a sim tel bet.

(Visited 158 times, 1 visits today)

Comments

comments

Comments

%d bloggers like this: