Taanlaih le NU pawl

 

 

May 10

Nipi Ni

 

Taanlaih le NU pawl

 

Siar:

Thufim 31:26-31

 

Bawipa nan Pathian a simi Keimah ih thupek bangtuk in, nan nu le nan pa cu upat uh;

cuti cun nan lamzin a tluang dingih ka lo pekmi ram ah reipi nan nung ding.     – Daan. 5:16

 

Kumkhat Sung Baibal:

   2Siangpahrang 10-12

   John 1:29-51

 

Tlawng sayama pakhat in phunkhat tlawngta pawl kha taanlaih (magnet) timi thir-hnuk ih thu le a hnattuan thei daan a zirh. A thaisun ih camipuai ah, “Ka hmin cu cafang 6 a um ih M in a thok. Thil ka hnuk thei. Zo ka si? tiah a sut hngai tikah, zakhat sungah sawmnga (50%) in mother (nu) tiah an let ttheh. Sayama cu a mang a bangzet.

      

A si, thir-hnuk in inn sungih lehnak le hnipuan thilri tampi a hnuh theimi hnakin NU pawl in tamsawn an hnuk thei.  Ttuan duhnak thinlung an neih a si ahcun innsungsang hnattuan hnakih sang sawn ttuan dingih kawh an si.

      

“Nu ttha” cu a innsang mi pawl a duhdawt ih an si vekin a cohlang hngai. A humhim hngai ih a theihthiam sak hngai. A faa le ih sim duhmi thu a ngai sak hngai, a hnem hngai ih duhdawtnak thawn a pom hngai. Zumtu nu cun Jesuh Khrih cu i Runtu a si tiah pom dingin a faa le zirh cu a nom awknakbik a si.

      

Cuvek nu pawl cu kum khat ih nikhat Nu Ni (Mothers’ Day) lawngah si loin nitin te’n upatnak co tlak an si. Cuih upatnak cu ttongkam lawng si loin tuahnak thawn langter ding a si. 

 

Pathian pekmi leitlun thil hmuahhmuah lakah,

Thil dang hnakih saangbik pakhat a um;

Cumi cu a sunglawimi man siar thei lo laksawng,

Duhdawtu Khristian NU pawl an si.

 

Pathian mi Nu pawl cu tthanglian dingih a lo cawmtu lawng an si lo,

Pathian hnenah a lo thlenpitu khal an si.

(Visited 24 times, 1 visits today)

Comments

comments

Comments

%d bloggers like this: