Syria Thu Lawrkhawm

Syria Daihnak Hrang:

U.S. cun kan dung Zarhpini ahkhan dodaltu group tampi pawl le Syria President Bashar al-Assad hmunkhat ih an tonawk ding cu a lungkimpi thu a phuang. President Bashar al-Assad cun dodaltu pawl thawn Qatar ram ih Doha khawpi ah tonawk dingin a lung a kim. Acozah aiawh ih tongkhuan a ngahtu Mark Toner cun, “Rampi huap remrelnak nan neih dingmi hi kan lung a kim ve ih kan ruahsanmi khal a si. Himi ihsin Assad ih thisen suah ko ih a uknak ihsin remdaihnak cu suahpi hram uhla, Syria mipi khalin democracy thawn a mil-awmi ukawknak cu co ve thlang seh ti hi kan saduhthah a si,” ti’n a sim. Himi daihnak thurelkhawmnak cu Arab Leauge le pawl ram hrekkhat le pawlkom hrekkhat pawl khalin an lungkimpi zet thu an sim cio.

Syria le Israel:

Nov 11 ni ah Syria pawlih mortar rocket /terek cu Israel ralkap umnak kiangah a ngah ih a puak tiin Israel ralkap tuanvo neitu pawlin an sim. A kap ngahnak hmun hi Israel ram Golan Height timi hmun a si ih, cutawk  hmun ciah hi 1973 kum Israel le Arab doawk tum ah Israel le Syria in an cuh ih, 1967 kum Middle East doawk tum ahcun Israel in a lak ih, cuticun Israel ram ah a cang lantami a si. Curuangah Israel cun Syria pawl cu ralrinnak a pek. Israel Prime Minister Benjamin Netanyahu cun, “Kannih cun thaten ka zoh dingih thil a cangmi pohpoh cu fimkhurten kan tifel ko ding. Ziangahtile kan ram sungah kan rammi pawl tuahmawh le siatsuah an tong ding cu kan siang lo a si,” ti’n a sim. CNN in Israel President Shimon Peres cu Nov 12, 12 ah thusuhnak an neimi ah, “Israel cun Syria ram sung lut ih do ding cu kan tum lo, kan tummi cu Gaza asilole Syria ram ihsin Israel ram sungah rocket le  terek pawl hi tla lo dingin a si. Ziangahtile zoi nu, zoi pa, zoi fale ti um lo in ihhmuh thawten itthat ding cu a tul hrimhrim a si tiin a sim.

Syria Harsatnak:

November 13, 2012 ni ah Syria ram sungih mipi 2.5 million cu an umnak ihsin hmundang ah thawn a si tiin The Syrian Arab Red Crescent cun a sim. UN raltlan palai tongkhuan a ngahtu Melissa Fleming in SARC pawlih sim hnak hmanin a tam hrih ding a zum thu khal a sim ve. Melissa cun minung pawl cu an tlan, an relh, an harsa ih bawm an tul nasa tiin a simbet. Syria buainak hi Turkey khalin a buaipi ngaingai ih a Foreign Minister, Ahmet Davutoglu, in Tlawngkai Nikhatni, 12.11.12, ah Syria cun hivek rori ih a  nasatmi ramsung buainak a suahter cu vantlun ihsin an siatsuahawknak hi a si ti’n a sim ih, cumi cun an rampi ih himnak khal a siatsuah ih a tihnungtukmi a si ti’n a simbet.

CNN, BBC, Syria News

Comments

comments

Comments

%d bloggers like this: