Syria Tapung Pawlin Iran Mi 48 Thlah

121005024208-turkey-syria-shelling-story-bodyBEIRUT : Syria ram cun an ram ih ralut ramdangmipawl cu an kai hai ih, thawngah an thlak theu. Cumi lak ah Iran mi khal an telve ih, mi 48 pawl cu Syria tapung pawl hin an thlahsal thu theih asi.  Syria ram ih thawngtla mi 2,130 pawl thlengawknak an neihnak ah, Iran ram ihsin an kaihmi pawl hin vanthatnak co in luatnak an ngah asi.

Hi an kaihmi lak ah Turkish le Qatar mi khal an tel ve asi ti in Free Syrian Army (Tapung phuaih) ih thusimtu Ahmed al-Khatib cun a sim. Hi Iran mi pawl hi, nikum August 5 ah khan kaih an si ih, cutawk ah Iran cozah cun zianghman a ngaihsal tuklo.

An kaihmi pawl check felnak an neih tik ah, Iran mipawl cu an ram ralkap tuan dahtu pawl ansi. Asinan, culai ah Iranian Foreign Minister Ali Akbar Salehi cun, “An kaihmi lak ah kan ram ralkap tuantu an um ti thu kan thei ih, an military identification card pawl khal kan hmu theh ko. Asinan, cupawl cu tu ih tuan rero tu pawl an silo ih, hlanlai ih tuan dahtu pawl an si” ti in Syria tapung pawl hnen ihsin laksuah an tumlo thu a rak sim dah.

Comments

comments

Comments

%d bloggers like this: