Syria Ram MP Pahnih In Opposition Pawl An Thlawp Zo

BBC | January 19

MP Nawaf Al- Bashir

Syria ram buainak ih ralkapkut tuarih mithi cu 5.400 lenglo an sizo tiah theih a siih, Syria ramsung buainakah ram dangmi Thuthangca latu pawl luh an sianlo ruangah  mithi zat leh an buainak ih thil umdan famkim theihngah nak ngaingai a umlo. himi laiah Syria ram MP pahnih cun Cozah lam an thlawpnak bansanin Opposition mipi pawl an thlawpthu an puang.

Deir Ezzor ihsi hril tlinmi MP Nawaf Al- Bashir cun  Syria ram Cozah a thlawpnak bansan in Turkey ram a panih Al-Arabiya TV in a sim nakah  MP Nawaf Al- Bashir cun  President, Bashar Al- Assad ih Cozah a thlawp nakcu hnukdawkaw in Opposition pawl kawmkhawm awknak Syrian National Council (SNC) a zawmzo tiah a tarlangih Nawaf Al- Bashir cun Turkey ram ihsin SNC pawl ticak dingih hnatuan a tumthu khal a puangzo tiah an tarlang.

Himi hlanah Homs ih MP, Imad Ghalioun khalin  Syria ram suhsanih Egypt ram khawpi Cairo a panih Cairo khawpi ihsi Syrian National Council pawl a zawmthu a rak puangsuak vezoih, Ghalioun cun  President Bashar Al- Assad ih Cozah ralkap pawlin Syria ram mipi pawlih diknak covo an siatsuah tuk ruangah MP ziangmaw zatin  President Assad ih Cozah hi an duhnawnlo ih Mipi lamih tan an tum tiah asim.

Mizan sun khalah Syria ramah hin ralkap kut tuarin minung 21 an thibetih, Opposition ralkap pawl leh Cozah ralkap an kah awk laiah Cozah ralkap 15 cu mipi lamah ttang thut thi in  Cozah ralkap pawl an kap ciamco cih.

Comments

comments

Comments

%d bloggers like this: