Syria Ram, Alleppo University Kiangah Bomb Puak, Mi Tamtak

119947421_01_374328cALLEPPO : January 15, 2013 zanlam ah, Alleppo University le Architecture Faculty karlak ih puak mi asi ih, voi hnih puak in nasazet in bomp hi a puak asi. Hitawk ih mithi zat an reldan hi a bangaw lo.

Syrian Observatory for Human Rights pawl cun mi 52 an thi an ti nan, Alleppo governor cun mi 82 an thi ti in asim. State TV cun hi bomb puak hi helrual pawl (terrorist) ih kahmi asi ti in a puang nan, khatlam pawl cun tlunlam ihsin bomb ih kahmi asi an ti ve.

Alleppo hi theihzo vek in, tapung pawl tamnak hmunpi pakhat asi ve ih, ralkap pawl hin hi khawpi lasal dingin voi duailo an rak kap ve zo asi. Syria cozah agency ih a sim dan ah cun, hi bomb puahnak thlen ni hi, University ih exam an tuah hmaisabik ni asi. (Source : BBC)

Comments

comments

Comments

%d bloggers like this: