Syria Ram Ah Mi Burpi Thahnak Zarhkhat Sungah Tum Hnih Thleng

5c721db2-3cc9-4146-9687-462cf954818f

Syria ramsung ah, tuizarh sungah tum hnih rori mi burpi ih thahnak a thlen thu BBC thuthang cun a tarlang. A tum khatnak hi May 2, 2013 Tlawngkai Nili sun ah asi ih, mi 72 pawl cu hmunkhat ah an that ih an retkhawm thu BBC cun a tarlang. Thahawknak a thlennak hmun hi al-Bayda hmun ah asi. Cumi ih a thaisun, May 3 sun ah, mi burpi thahawknak hmundang ah hmuhsal asi. An hmuhnak hmun hi Ras al-Nabaa hmun ah asi ih, mi 77 pawl cu hmunkhat ah thi in hmuh asi. Hivek hin tuihlan khal Syria ramsung ah hmuh a rak si dah.

April 22, 2011 ah,  Deraa le Damascus ah mi 72 pawl cu thah an si. Security Forces pawl cun lamzawhtu pawl an kahnak ruangah hi thihnak hi a thleng.

June 3-6, 2011 ah, Syria cozah cun lamzawhtu ( Opposition Group ) pawl cun, Syria cozah ih security personnel mi 120 tluk an that tiin an si. Asinan, opposition Group lam ihsin hi thihnak ah zianghman an tello thu an rak sim.

December 19-20, 2011 ah, Idlib ramthen sungah mi 100 pawl cu ni hnih sungah thah an si. Syria ralkap pawl cun Opposition Activist lam ih ralkap an kaihmi pawl cu hmunkhat ah an umkhawm ter ih an kap that tiin Opposition lam ihsin an rel. Nikhatnak ah mi 70 an that ih, ni hnih nak ah mi 30 tlun an that. Lehhnu deuh ah, The London-based Syrian Observatory for Human Rights cun, mi 111 nihnih sungah an that tiin a tarlang.

February 3, 2012 ah, Syria ralkap pawl cun Free Syrian Army pawl cu kai in Homs ah hmunkhat ah an that. Hmaisa lam ah cun mi 200 tiin thuthang ah an tarlang nan, activists group cun mi 55 an that tiin BBC hnen ah asim. BBC ih tuanvo neitu Paul Wood cu hi hmun ah hin a tlawn thu khal an tarlang.

March 12, 2012 ah, Homs ah mi 45 pawl cu thiin hmunkhat ah an sar. Nunau le nauhak an tam ih, an thah dan tlangpi cu, an hrawk an at, meisa in an nawk ih, hrekkhat cu siti sa in an suang. Hi thihnak ih mawhphurtu hi “Armed Terrorist Gangs” pawl an si tiin Syria cozah thuthang cun a tarlang.

April 3, 2012 ah, Syrian forces cun Taflanaz ah nihnih sung Helicopter le tank thawn mipi an that ih, mi 57 an thi.

 

May 25, 2012 ah, Houla mi 108 pawl cu hmunkhat ah thah an si. An thahmi lak ah hin nauhak 49 le nunau 34 pawl an tel. Syria cozah le Shahiba Militiamen pawl cu an puh aw veve. August 15, 2012 ah UN Independent International Commission of Inquiry ( Col ) On Syria pawl cun, mi 108 pawl thattu hi Shahiba Militiamen pawl an si tiin an sim.

June 6, 2012 ah, Hama khua ah Syria military cun mi 78 pawl cu hmunkhat ah an that.

syrian-banner-stop-the-massacre-in-Syria

 

August  22-25, 2012 ah, Darayya hmun ah mi 300 pawl cu hmunkhat ah thah an si. The Locak Co-ordination Committee ( LCC ) cun, August 22-25 sungah mi 633 pawl cu Darayya ah thah in an um tiin BBC ah asim.

December 23, 2012 ah, Syria cozah ralkap pawl cun Halfaya ih sang tuahnak ( Bakery ) ah mi 90 pawl an that tiin Activist pawl cun an sim.

January 15, 2013 ah, Haswiya ah mi 100 pawl cu thah an si ih, an umnak inn pawl khal nawhkang sak theh as si. Mit ih hmutu pawlin BBC hnen ih an simnak ah cun, sunlai hrawngah security forces pawl cu hi khua ah an lut ih, suahnak zaten an khar theh ih mi ankai. Cumi theh ah meithal keng mi tamtak an lut ih an hmuhhmuh an that vivo tiin an sim.

May 2-3 2013 ah, mi burpi thahnak hmun hnih ah a thleng. May 2, 2013 Tlawngkai Nili sun ah asi ih, mi 72 pawl cu hmunkhat ah an that ih an retkhawm thu BBC cun a tarlang. May 3 sun ah, mi burpi thahawknak hmundang ah hmuhsal asi. An hmuhnak hmun hi Ras al-Nabaa hmun ah asi ih, mi 77 pawl cu hmunkhat ah thi in hmuh asi.

Source : BBC http://www.bbc.co.uk/news/world-middle-east-22410392

(Visited 130 times, 1 visits today)

Comments

comments

Comments

%d bloggers like this: