Syria Helicopter Kah Thlak A Si

Syria ram buainakah Cozah ralkap leh Opposition  ralkap Free Syrian Army pawlcu nasazet in an kapaw rero laiih, mizan sunah khan Syria Cozah ralkap pawlin Opposition mipi pawl kah nakih an hmanmi ral donak Helicopter cu  an khawpi Damascus khawpi tlunih a zuan laiah kah thlak a si. Syria Cozah ralkap leh Opposition ralkap Free Syrian Army pawlhi tulai kandung zarh ihsin an kapaw nasa salin kandung zarhte ni lawng hmanah an khawpi Damascus sungih Qaboun vengah minung 320 kahthat an siih a tamsawncu an lu ih kahmi an  si. Mizan sunih Helicopter an kahthlak nak  hmun hi an khawpi Damascus khaw daifem Qaboun vengah a siih,  Helicopter hi an kah hnuah  meisa khu a suak cianco ih a herkual vurvo ih cumi hnuah a kangih lei ah a tlathla.

Free Syrian Army Thupuangtu Col, Aref Hammoud in a sim nakah Helicopter mawngtu hi a thih leh a nun  leh Free Syrian Army pawlin an kai maw kailo timi fiang tei theihnak a umlo tiah a sim. Syria COzah President, Bashar Al- Asaad ih Cozah cun himi Helicopter  kahthlak nak thuah Israel cu  thil tawlreltu bik leh ziang hmauhmuah   timtuah tu ah an puhih , Asinan  himi thuah Israel cun ziang thuhman tongsuak mi a neilo. kandung zarh zarh hmaisa kahlah Free Syrian Army pawlin Cozah raldo nak Vanzam an kaptla zo ih a mawngtu khal an kai.

Afghanistan Ram Ah Taliban Pawlin Minung 17 Lu An Tan Sak

Tihni zan ah khan Afghanistan ram Helmand Province ih MusaQada  district ih lamkhawm nak hmunih mi lam pawlcu an lam nawmlaiah Taliban palwin ralthuam leh hriamhrei  phunphun hmangin kut an thlak ciamco ih a hmunah  minung 17 cu thatin an lu an tansak, ih mipa 15 leh nunau 2  an si.

Afghanistan ramah hin  mipa leh nunau  hmunkhat ih lam tlang leh mipi vangtlang hmuh leh theihih  pawlawk celcel hi Taliban pawlcun  Muslim sakhua  biaknak ti bawrhhlawh tu an si tiah an duhlo ih, sungkhat rualpi ttha tilo cu  hmun khatih nawmnak tuah khawm hi an duhlo  ih a thup tei mipi theihih lang hngan tuklo cun an rak umko nan   mipi theih leh  hmuh ih umcu Taliban pawlin an duhlo.

MUsa Qada  District Gvernor, NImatullah in a sim nakah himi buainak hi tihni zanih suak a siih , mipi  nuamzetih lam rero pawlcu Taliban pawlin   ralthuam hmangin kut an thlak ciamco ih an that  mai a si tiah a simih an  ruang lu tan mihi mizan sunah hmuhsuak an si, Himi thuah Taliban pawlcun an timi  a sithu puanzar nak zianghman an nei lo.

(Visited 67 times, 1 visits today)

Comments

comments

Comments

%d bloggers like this: