Syria Cozah in Ralthuam Ttih Nung A Nei

Nikum  2011 March thla ihsin  Syria ram President Assad hlawnthlak tumnak ruangih buainak cun rehlam a panthei hrih cuanglo in  himim an buainak ruangih mithi cu theifiang miah  19,604 an kimzo ih an ram khawpi ziangmawzatcu Opposition ralkap pawlin an la rero zoih, tua khalah ramri tluan leh khawpi ziangmawzat sungah an kapaw rero laiih, Syria Cozah mi pawimawh leh ralkap tampi cun Cozah lam phatsan in mipi lamah an tang rero zo.  Hiti vek a si ruangah an President, Assad khal an ramsung hmunhim ah a relh tiah theih asi.

Himi laiah Syria Foreign Ministry thupuangtu, Jihad Makdissi cun  Syria Cozah in Tursi ttihnung ralthuamih hman theimi an neihthu asimih, a sinan  himi ralthuam hi fimkhur zetih retthat a siih an ram mipi parih an hman lo dingthu a simih ramdangih Syria ram an rado lawngah hman an tumthu an sim.

Syria ram buainak thuhla hi tui Qater ih tonkhawm awknak neilaitu Arab League Foreign Minister pawlcun President, Assad cu bangmai dingin an nawrih, a baang a si ah cun a sahim nakding ih ramdangih a umnak dingkhal ruahsak an tumthu an simih, Asinan hihi Syria President Assad hin a bengkhawn duhtuklo tiah theih asiih,  President, Assad cun a ralkap bawibik a ko ih an ramih buainak tuahtu Opposition pawl do cimit  danding thu a pe tiah theih a si.

(Visited 48 times, 1 visits today)

Comments

comments

Comments

%d bloggers like this: