Switzerland Embassy Kawlram Ah Ong: Bawmnak Dang Tiam

Swiss Foreign minister Didier Burkhalter cun mani sun zarhte ni ah kan rampi ih Swiss palai inn Swiss embassy onnak cu Yangon ah a nei. Switzerland acozah theipi ih a hmaisabiknak hrang ih Asia ram thawi pehpar dingih an duh an tilangnak khal a si.

South Asia le Southeast Asia pawl thawi an karlak ti hngetkhoh sin ding ih an duhnak an tilangnak pakhat a si ruangah hi ram pahnih tonawknak Kawlram ih an rampalai inn pi an dinnak khal cu a si tiin thuthang cun an tarlang.

‘Hi lampi kan onthar mi in kan ramhnih, kan vantlang pahnih hrangah sangka thar in onsaknak si hramseh’ tiin Burkharlter cun a onnak ah a sim. Kawlram le Swiss ram hi 1956 ihsin khat le khat pawlton awknak an rak nei zo. Switzerland in a liamcia kum ah ṭhansohnak le pawltonawknak zung khal Yangon khawpi ah an rak ong.

Rampi Ih Hlawknak Ding

Hi Swiss Embassy in rampi aiawh palai pawl ṭuantlangnak ah hma a sawn ter ding. Switzerland pawl hin remdaihnak hrang thazaang peknak, minung covo humhualnak, harhdamnak le rawl-ei ding pawl tam le hngetkhoh zetih tuahsak an tum. Culawng silo in an ram phanih karlak ih hnaṭuan theinak le thilzir theinak paw khal on a si cih ding.

Tlawngkai ninga ni, a hmaisabik niih kan ram an tlawnnak ah Burkhalter cun; kum tinten Switzerland pawl in mi 15 pawl an ram sungah democracy, federalism le international human right pawl zir dingin mi alak ding thu a tiam.

Culawng silo in kan ram khawpi hlun Bagan hrangah kumtin ten $100,000 pek ding khal a tiam cih. Embassy onnak an neihnak khalah Swiss Development cooperation and Humanitarin bawmnak an pek mi 2012 ih $11 million cu 2013 ah $20 million ah an titam ding thu a tiam ih 2016 tiang $35 million ih bawm bet vivo ding khalin a tiam cih.

(Visited 51 times, 1 visits today)

Comments

comments

Comments

%d bloggers like this: