Suu Kyi In Tlangpar Mi In Thleidang Deuh Silosawm: CNF le ALP

Ramdingkhawm Myanmar ram ih hrinhnam zate thurelkhawmnak a si mi a veihihnak Panglong Lungkimnakah CNF pawl le Arakan Liberation Party (ALP) pawl cun pengpi kulh thurelkhawmnak neih ding siannak an ngah ve lo. Hi tiih an ngah lo nak thu ah State Counselor Daw Aung San Suu Kyi in tlangpar mi hrinhnam pawl hi in thlei dang deuh silosawm tiin an vui. CNF pawl cun hi Panglong lungkimnak ah an tel ding le dinglo an fiang aw hrih lo.

Hi thuthawn pehparin CNF chairman Dr Lian Hmung Sakhong cun Myanmar ram thuthang Frontier pawl hnenah, Pengpi huap thurelnak kan nei cuang lo mi ah CNF in tuitum ih Panglong lungkimkhawmnak ah kan tel ding le ding lo hi a fiang lo. An thurel ding mi pengpi huap ih botcatmi thutluknak pawl rel ding a si tikah kan ni hrangah an hualvan a sung tuk. Curuangah a si tiin a rel.

Ramdingkhawm Myanmar ram thu neitu pawl ih an sianlonak san pawl ahcun Chin ramkulh ah remdaihnak ngai a um lo, mipiin an cohlang ngaingai hrihlo timi pawl an hmuh ruangah a si. Asinan hitiih an puh menmi ah Dr Lian Hmung Sakhong cun, tui ni tiang CNF le Ralkap khal kan kap awlo. Kan ram hi a him a si tiin a el ve.

Pengpi huap thurelnak hi Union Peace Dialogue Joint Committee (UPDJC)  ih teltu ding pawl lakah Chin ramkulh le Rakhine ram lawngah tuah a silo. Hi tiih pengpi pahnih tuah a silo ruangah Rakhine pawl khalin an tel ding ke ding lo a fiang ngaingai hrih lo tiin an rak ti ve.

Panglong Lungkim thurelkhawmnak hi Chin mi pawl le Rakhine ram pawl ih pengpihuap thurelnak neihlo mi cu siarsak lo in February 28 ah nei dingin nemhnget a si.

Kei cun rampi acozah in inthleidang tiin kan ruat, ka party pi pawl khalin an ruat ve ding ka zum tiin ALP vice chairwoman Saw Mra Razar Lin cun Irrawaddy thuthang latu pawl hnenah a sim. Pengpi huap thurelnak nei dingin kan ralring zo a si titla tin a sim tel bet.

CNF lam khalin February 1, 2017 ah Chin ramkulh acozah thawn tongaw in hmalaknak nei tlang dingin an rak ralring ve thu CNF vice chairman Dr. Salai Lian Hmung Sakhong cun a sim ve. “Kan tuah theilonak ding san zianghman a um lo’ titla in a sim.#

Comments

comments

Comments

%d bloggers like this: