Suu Kyi thu buai cingfel cingding

YANGON (AFP)

Kawlram ralkap a cozah pawl cun Aung San Suu Kyi, a thubuai thawi pehpar in thuhla phuangtu ramdang ihsin le a ramsung thuthang lakhawmtu pawl ih ton an sian ding thu an sim.

https://i2.wp.com/www.irrawaddy.org/articlefiles/15666-18may09_6HL_top.jpg?resize=251%2C125

Suu Kyi an kaih thok ihsin thuthang lakhawmtu pawl ih ton an sian veikhatnak a si ding. Leitlun ramtin ih an sawiselnak a nasat tuk ruangah a si khal cun an zum.

Tui zan lamih a thubuai an rel nak ding thutthennak zungah thuthang lakkhawm hna a tuantu mi 10 pawl cu lua an siang ve ding tin  kawlram thuneitu upa pawl cun tu zingah an sim. An pahra lakah pa 5 pawl cu ramdang thuthanglakhawmtu pawl an siding thu le a dang panga 5 pawl cu ramsung cazual, thuthang a suahtu pawl an siding tin thuhla don a si. Zo vek pawl sian a si cekci ti cu simtheinak an nei lo.

Siarbet

Suu Kyi thubuai thutthennak ih an relnak ah, tuni tiang ahcun mi panga pawl in a sualnak puh in demnak an nei. Hi panga pawl lak ah a inn ih a thupthiar ih a ra lut tu Yettaw a kai tu ralkap bawi a mai party sungtel pakhat khal a tel. Sualpuhtu mi 22 pawl hnenin thu hla hliahhlainak neih a si ding.

Mipi pawl an buai ding phangah Insein thawngin kiangkap ah ralkap pawl ralthuam thawn, venhim hna nasat zet ih an ttuan thu khal thuthang lakhawmtu AFP pawl cun an sim.

A patti NLD  thuphuangtu Nya Win cun tui dinhmun tingah cun a thu buai in rei a ding a zum lo thu le, hmaizarh sung ah cun an cinfel a si thei ding a zum thu a sim.

(Visited 41 times, 1 visits today)

Comments

comments

Comments

%d bloggers like this: