Suu Kyi ruangah bawmnak cu pe tho tho ding

AFP, May 28

UN secretary general, Ban Ki-moon, khal cun ramtin pawlkawm ih Aung San Suu Kyi inn thawngthlaknak kum khat ti sausak bet a si thu, an duhlonak an aupinak cu a pawmpi ve ih Ban cun a palai Ibrahim Gambari in hi thu thawn pehpar in Junta pawl thawn reltlannak an nei ding tiin a phuang.

United States, European Union le Britain pawl khal cun nasa zet in tiletnak an tuah ve. Singapore, tu ih Association of Southeast Asian Nations Chairman khalin a mangbang thu a sim.

US President George W. Bush, in ‘nasa tuk in buainak intuah’ tiin Aung San Suu Kyi an khuahkhirhbet nak thu ah a sim ve.

” United States in Nargis thlisia ruangih siatsuah mipawl tuamdam salnak dingah hnatuan kan bawm ding, mipizalennak an ngah theiding tiang khal in tumtahnak saupi nei cingin cawllo in bawmnak kan pe ding’ tiin a sim bet.

Bawmnak pe tu pawl cun leitlun ramtin ih soiselnak cu hngilhbum aw ter in, ninghang tuarpawl bawmnak cu Suu Kyi a innthawng thlaknak an tisau sak ruangah cawlh an tum lo thu le Kawlram in bawmnak siatralnak hmunih pek asian vivo nak ah hma a sawn a si tiin an ti ve.
+++++++++++++++++++++++++++++++++++++++++++++++

Comments

comments

Comments

%d bloggers like this: