Suu Kyi Pa-teing Ah

Irrawaddy | Febuary 8

NLD party hruaitu nubik Suu Kyi cun Pa-tein ih NLD aiawh in lailak-hrilawknak ih teltu ding thusimnak a neih dingmi ah telpi ve dingah le mipi vehvainak nei ding in Febuary 7, tlawngkainihnih ah Pa-tein ih a feh thu thuthangca in a tarlang.

Suu Kyi cun Irrawaddy, Pa-teing township ah nazi 11:00am hrawngah a thleng ih mipi 500,000,0 lenglo in rak hmuak in mipi hnenah minit 30 sung thusimnak a neih cih a si. Hi thusimnak ah Suu Kyi  in mipi hnenah NLD party cun mipi in an ngaihsaknak parah lungawi thu a sim ih cuhleiah mipi hrangah NLD cun theitawk ih hna a tuan ding thu khal a rel tel bet.

Suu Kyi cun, “ Pa-teing khuami pawl nan duhdawtnak cu Pa-teing ih Buddah hmunpi vek in a mawi in a thinghlim ka ti. NLD part in lailak-hrilawknak ah seat 48 lawng kan lak thei ding ruangah kan mal tuk ih beisei tlak lo cu in ti siang hram hlah uh. Hrilawknak ah thupi 3 lawng kan nei. Cu pawl cu : rualremnak, remdaihnak le daan hrampi remthat hi asi.” tiah mipi fuankhawm hnenah a rel.

Suu Kyi cun Irrawaddy cu kum 23 sungah a veikhat feh lehnak a si ih kum 1989 ah veikhat a rak thleng zo a si. Suu Kyi cun Pa-teing ihsin Hmiau-hmiah khalah a feh cih ih mipi tam zet in rak hmuak in ropi zet in thusimnak le mipi vehvainak a neih cih a si.

(Visited 34 times, 1 visits today)

Comments

comments

Comments

%d bloggers like this: