Suu Kyi Le A Party Pawl Daan Pah Bal An Puh

Myanmar rampi thlengawk caan a cu tiih mipi sawmngiarnak thawi, nehnak cotu NLD party le State Counsellor Daw Aung San Suu Kyi pawl cu Party dang komkhawm 12 pawl in 2008 Myanmar daan hrampi le hrilawknak daan an pahbal tiin an ti ta riai mai.

Party 12 pawl ih an puh biknak cu NLD party le Suu Kyi in hrilawknak ah rampi thuthang le media hmangin mipi hiipnak an tuah mi a si tiin an ti. Suu Kyi in hrilawknak daan a pahbalnak cu rampi media hnenah mipi pawl in lailak hrilawknak ah NLD vote dingin a sim tiin an ti.

Party 12 pawl lak ihsin U Thu Wai, Democratic Party Chairman cun Suu Kyi in 2008 Daan hrampi Section 232 a pahbal tiin a ti. Hi mi daan hrampi ahcun Union Minister ih hril tlin a si mi MP pawl cun hriltin an si veten an mai party hnatuannak ih tel ding hi kham a si tiin a um. Aung San Suu Kyi hi Union Government ah Foreign Minister a si.

Hi tiih an mai party NLD hamthatnak ding hrangih a cangvaihnak ruangah State Counsellor le a party pawl parih kan dokalhnak le kan lungkimlonak ca cu Union Election Commission (UEC) pawl hnenah kan kuat ding titla in U Thu Wai cun a sim. Asinan thuhramlaknak ih a tarlang dan ahcun Myanmar ram ih puai tumbik a simi Titoih puai theh hnu ah kuat an tum tiin an tarlang.

NLD party ih hrilawknak daan pahbal leh dang pahnih pawl cu Thura U Tin Oo le CEC member U Win Htein pawl an siih an ni pawl khal in March 31 le rampi neih mi thuthang le tv pawl ah an mai party hamthatnak ding thu an than tiin an ti.#

– Myamar Times

Comments

comments

Comments

%d bloggers like this: