Suu Kyi le Kahdaihnak Tuahtu (JMC) Tonawknak Nei

13102834_10154120494769183_3658340376845644865_n

State Counselor Pi Aung San Suu Kyi cu tuini 27.04.2016 Naypyidaw ah Union level kahdaihnak thlir tu committee JMC-U thawn a hmaisabik tonawk nak an nei.

Kahdaihnak thutiam a hnget khoh thei lawngah remdaihnak ngah a theih ding, kahdaihnak hi hmin sign ngan nak hnakin a hnget khoh ding hi a harsa sawn ih, kahdaihnak hnget khoh dingih tuah a poimawh tiah a sim. Pi Suu Kyi hin kahdaihnak ah tlangparmi hriamhrei keng zarte`i tel kim thluh ding a tul thu khal a sim.

Remdaihnak thawn pehpar in kum zabi 21 nak Pinlong Conference khal thlahnih khat sungih tuah ding a duh thu Pi Suu Kyi in tuini Naypyidaw Horizon Lake View Hotel ih JMC thawn an tonawk khawm nakah a sim.JCM Secretary Lt-Gen Wanna Aung khalin Pi Aung San Suu Kyi ih sim mi pawl cu an tuah mi pawl thawn a bangawk thu sim in, remdaihnak conference cu ramhrin miphun (amyota) conference tiah a ko ih, kah awk nak a um nawn lo hnu ah ramhrin miphun rualremnak tuah theih ding a si thu khal a sim.Ralkap pawl dinhmun khalin ramsung remdaihnak hrangah ziangtik lai khalah kan tel ringring ding tiah, Lt-Gen Wanna Aung in a sim.
.
Pi Aung San Suu Kyi in a hlan ih MPC (Myanmar Peace Center) timi kha remtha ih huap kau ter dingah ruahnak a pe. A cipciar rel peh vivo dingin kan hmai May thla ni 10 ah Naypyidaw ih tonawk sal ding kan nei tiah Dr.Sui Khar in a sim.
Source: BBC.
Sen Hngilh Piang

Comments

comments

Comments

%d bloggers like this: