Suu Kyi Le 88 Generation Tlawngta Pawl Tawngaw

VOA | January 25

Thawnginn ihsin kan dungnaite ih suah asimi ramthukhel ruangih thawngtla 88 generation tlawngta hruaitu pawl le Suu Kyi cu January 24, tlawngkai nihnih ah Suu Kyi umnak inn ih tawnawknak an neih thu thuthangca in a tarlang.

Kawlram cozah in caan reipi sung thawn a rak thlakmi 88 generation tlawngta hruaitu thenkhat pawl cu mani tlailam nazi 6:00pm ah Suu Kyi cennak hmun ah kum 20 sungih a veikhanak hrang tawngaw in ram thuhla rel khawmnak an nei.

Hi tawnawknak ah Kawlram mipi theih lar zetmi 88 generation tlawngta hruaitu Min Ko Nein, Ko Hnge Chuai, Ko Ko Gyi, Ko Hmiah Aye, Ko Jemi, Ko Pa Hngeih Thuan, Ko An Buai Chawm Ko Choo Puing le Ko Awng Tu pawl an tel ih rawleikhawmnak khal an nei cih a si.

88 Generation tlawngta huraitu Ko Min Nei cun 88 generation tlangta pawl cun Suu Kyi cu a tul dan ih zir in bawmnak pe ding ah timlamnak an nei cia thu le Suu Kyi cu ziangkim a tuah dingmi ah a lam ih an tan ding thu a rel.

Ko Min Nei cun, “ Kan ram thuhla ah Suu Kyi lawng buaiter rero ding kan si lo. A nih vek ih mi pawimawh le miropi kan nei hi a lungawi um tuk. Bawm theinak kan neih cincin cu kan nih pawl in kan bawm ding. Kan dungih thuthanglatu pawl kawmnak kan neih tum khal ah hi thu cu fiang zet in kan rel zo. Cuvek thu kan relmi pawl cu Suu Kyi amah rori khal in a lungkim zawng a si ti kan thei. Tu’itum kan tawawknak hi cu lung a hmui in a lungai um hleice ka ti. Kan nelawk phah ih ram thu khal ah hmalak vivo dan ding tampi kan rel khawm rungah hmasawnnak kan neih thei khal ka beisei. Suu Kyi thawn kan tawnawk hi sungkua tawnawk vek in kan nuamaw. Ram thukhel kan si ruangih thawn kan rak tlak dan pawl kan ruah aw leh ih kan nuamaw zet.” tiah a rel bet.

Ko Min Nei cun hmailam khal ah Suu Kyi thawn tawnaw in ram thuhla rel khawmnak an neih vivo ding thu le theitawk ih Suu Kyi bawm ding in 88 generation tlawngta pawl cu an um ringring din thu khal a rel tel bet.

(Visited 23 times, 1 visits today)

Comments

comments

One Comment

  1. Manhlap tuk deuh in ngan mi si maw?
    Salai zilthli lo bangin cafangkom sual tam nawn a um.
    Asinan keimah te’n a rem zawngin ka siar suak ngah ko.
    Nan ti ttha thei nasa.

    Lungawi.
    Ma Mang

Comments

%d bloggers like this: