Suu Kyi Le 88 Generation Tlawngta Hruaitu Pawl Tawngawk Nak Nei

BDC | January 28

Kawlram ih ramthukhel hmingthang 88 generation tlangta hruaitu pawl cun January 27, tlawngkaini nga ah Kawlram nubik a simi Awng San Suu Kyi thawn tawnawknak nei in hmailam ih hmalaknak an neih vivo dan ding relkhawmnak an nei.

88 Generation tlawngta hruaitu pawl cun Suu Kyi cu lailak-hrilawknak ih a tel dingmi ah theiawkih bawmnak an pek ding thu, a tanglaimi ramthukhel thawngtla pawl suah an si theinak ding le hmailam can ih ramthuhla um dan ding pawl relkhawmnak an neih thu atelpitu Ko Ko Gi in a rel.

Hi tawnawknak cu January 27, nazi 5:00pm ah neih a si ih nazi khuai hrawng a rei. Tawnawknak ah Ko Ko Gi, Ko Hnge Cuai le Ko Hmiah Aye cu 88 generation tlawngta pawl aiawh in an tel ih Kawlram cozah in ramsung hriamhrei keng hel pawl thawn remnak a tuha reromi cu hmuar nei sinsin ih a neih vivo theinak ding ah tan an lak vivo ding thu khal an rel tel a si.

Suu Kyi cun 88 generation tlawngta hruaitu pawl cu a mah bawmnak an pek ding ruangah a lungawi thu a rel ih hmailam khalah tuan tlang vivo thei ding in theitawk a suah vivo ding thu khal a rel bet.

(Visited 29 times, 1 visits today)

Comments

comments

Comments

%d bloggers like this: