Suu Kyi India Tlawng Thu Lawrkhawm

Daw Aung San Suu Kyi cu atu zarh Tlawngkai Nihnihni, 13.11.12 zaanlam nazi 8 (kan ram tikcu)hlanah amai pumpaak bawmtu Dr. Tin Mar Aung le NLD ih upa Phyo Zeya Thaw pawl thawn Yangon International Airport ihsin India lam in an feh suak. Cun, zaan nazi 12:19 (India tikcu) ah Indira Gandhi International Airport, Delhi ah tluangte’n an thleng. India ih ramdang minister Ranjan Mathai in vanzam tumnak hmun ah a rak hmuak.

Cutawk ah kan rammi, kan Chin mi tel in, pawl cun pangpar pek in an hmuak ve. Asinan India security pawl cun a kiangih naihtuk ding an siang lo. Cule a riahnak ding Leela Palace Hotel ah an feh cih. Suu Kyi cun mani Tlawngkai Nithumni, 14.11.12, ah Jawaharlal Nehra Memorial thucah simnak cu Delhi ah a nei cih. Cun, cumi ni thotho ah India PM Manmohan Singh thawn an tonawk.

Suu Kyi hi Delhi ah 1960 ihsin 1964 tiang a um dah. Cun 1987 kum ah reilote a rak tlawng dah. Cuhnu cun atu ih ta hi a hmaisabiknak a si.

Suu Kyi In Mahatma Gandhi Ih Thlan Ah Zunngaihpar Pek

Aung San Suu Kyi cun amah thluntu pawl thawn tuni Tlawngkai Nithumni, 14.11.12, ah Delhi ih um Mahatma Gandhi (1869-1948) ih thlan ah an feh ih zunngaih par kual cu a pek in, upatnak a pek. India acozah tuanvo neitu pawlin Gandhi thuhla ngankhummi cabu pawl cu laksawng in an pek ve. Suu Kyi in ahlan ihsin thokin Gandhi leh a pa Aung San, cun Jawaharlal Nehru (India ih a hmaisabik PM) pawl hi a hrangah a zoh ṭhim ṭheu thu a sim ringring. Suu Kyi cu Tlawngkai Nihnihni zaan ah Congress Party president Sonia Gandhi thawn zaanriah kil tlangnak an nei. Cucu Sonia Gandhi ih a pumpaak zawngih sawmnak thawngin a si.

Mizzima

Comments

comments

Comments

%d bloggers like this: