Suu Kyi In Kawlram Ah Zamrang In Daan Tuahthatnak Neih Ding Dil

Suu Kyi in kum tampi hnu ih a veikhat khualtlawngnak asi mi Bangkok a tlawnnak ah leitlun ih sumpai tuahtu upa pawl hnen ah Kawlram in ramdang mi sum ra tuah tu pawl hrang ah daan vek ih humhim awknak hnak in ‘daan thlun ding tha’ a neih a thu pi sawn ti in a sim hai.

“Kawlram ih sumpai tuahtu pawl ralring uh – thuthennak zung thianghlim le amah tei’ a ding thei mi thuthennak zung a um thei lo asi ah cun sumpai tuahnak daan (investment law) cu a tang kai zik lo. Kawlram ah daan thazet kan nei ko nan a thianghlim mi le a thiarfihlim aw thei mi thuthennak a um thei hrih lo. Cu tivek a um hlan sung cu leitlun ah daan thabik nei hman seh la a tang kai lo” ti in Suu Kyi in a ti.

Ramdang company pawl cun Kawlram ih khuahkhirhnak ramdang pawl ih an hnukdawk awk tum mi khi ruangah leilung thil mankhung tamnak Kawlram ih sumpai tuah ding in an mitmei cia hai. Asinan Suu Kyi in nisuahnak lam Asia pawlkom tongawknak hmun ah a caan mal te sung ngah mi cu hmang in ramdang sumpai tuah pawl ih theih ding mi a sim hai. (Falam Times).

(Visited 47 times, 1 visits today)

Comments

comments

Comments

%d bloggers like this: