Suu Kyi In Kawlram Acozah Tazacuai

Yangon – Aung San Suu Kyi in an party cem ding lotheihlo ih acozah in an fial mi a lungawi lo ruangah Kawlram ralkap a cozah cu tazacuai dingin manisun tlawngkai nihnih ni ah Supreme Court ah ca a pe.

A ukil Kyi Win le Nyan Win pawl fehtlang in Daan hmangin taza a cuai ding. Nyan Win ih thuthang lakhawmtu pawl hnen a sim nakah ‘Electoral Commission pawl in NLD party cemter theinak thuneihnak an nei lo. Hi party hi party nung sidingin daan thlun ih hmin pek ih ap aw mi a si’ tin a sim.

Tui ttum hi Suu Kyi ih kawlram ralkap taza a cuai vei hnihnak a si. Tui kum May thla ah ca a rak pe dah zonan Supreme Court pawl cun an rak pomsak lo. ‘kan peh vivonak sancu a nehlolam kan cuh lo ruangah a si, nehlolam cuh ih kan beidong ahcun zianghman tuahding dang kan nei nawn lo’ tiin a ukil cun a sim bet.

Suu Kyi le a party pawl in 1990 kum ih hrilawknak ah nehnak an rak conan a cozah in lalnak a rak pe duh lo.

  • AHN

Comments

comments

One Comment

  1. Atha ngai. Na belte in Reference dik deuh in rak ti aw la a tha sawn ding.

Comments

%d bloggers like this: