Suu Kyi In India Ih A College Hlun Le Chin Mi Pawl Tawng ding

UPA chairperson Sonia Gandhi ih sawmnak vek in Aung San Suu Kyi cun India ram khawpi New Delhi ah a tlawng ding. Hi a tlawnnak ah a mai a rak kai dahnak Lady Shri Ram a pal phahding.

Hi college ih Political Science zirlai pawl tonnak a nei ding tiin political science department ih associate professor Veena Ravikumar cun a sim. “Kan college cun amah cu kan lawm dingih lungawinak ding le ngaisal ding khop in kan kom ding, political science department ih final year pawl thawn tonawknak dingin, timlamnak tawite khal kan nei. Thusuhnak khal kan tuah ” ti’n a sim.

Suu Kyi cu a nu Daw Khin Kyi thawn 24, Akbar Lamzin, atufang Congress party in headṭuarter, ah an rak um dah. A nu cu 1960 lai-ah India le Nepal hrangih palai, ambassador, a rak si.

Suu Kyi hi Nov 13-18 tiang New Delhi ah a um dingih Sonia Gandhi khal a tong ding ih Nehru suahni Nov 14 ni ah Jawaharlal Nehru Memorial Lecture a pek ding. Kan Chin mi tamzet umnak hmun Janakpuri ih Prospect Burma School le Vikaspui ih Oxford Snr. Secondary School khalah a ra dingih ramkheltu pawl le Chin mi pawl khal tonawknak an nei ding. Bangalore le Andra Pradesh khalah a tlawng dingih nunau ṭhansohternak lam pawl khal hi hmunah zirnak a nei ding.

Comments

comments

Comments

%d bloggers like this: