Suu Kyi inn luttu Yettaw in a thuhla CNN sim

Suu kyiAung San Suu Kyi inn ih sawm lo piih mahte va lut tu U.S mi Yettaw cu a umnak inn ah him dam tein a um zo. Asinan amah ruangih daan pahbal puh mi Suu Kyi cu a inn sung ah khuahkhirh nak pek bet a si. ( Zuk : Suu Kyi an kaih hnu)
 
US ralkap rak ttuan dahzo Yettaw cun Suu Kyi inn sawm lo piih amahte a va luhnak san bik cu misual tululh(terrorist) pawl in Suu Kyi an that ding vek ih amah te a ruah raungah a si.
 
yettaw 1Yettaw hin Suu Kyi inn a luh ih a thil cangmi pawl cu CNN palai Kiran Chetry thawn kawmaw in CNN ah phuannak a nei.
 
‘Ka hmuh veten aihal zet in a um ih a lehlamah a ttih zet ti cu ka fiang. Cui caan khal cu cansung lawi zet a si, thuhla zate lo sim cu a cang thei lo dingih simlo dingih kilkhawi ding tampi ka nei. A mah hnenah khal hi thu pawl hi nangmah zah lo nak thawn ziangtik hman ah ka simsuak lo ding ka ti.  ka fehsual hlan te ah… Ka lo duhdawt, Ka lo duhdawt, ka lo duhdawt, ka lo ngaisang, ka lo ngaisang, ka lo ngai, ka lo ngai, ka lo ngai cutin a inn kulhnak ti cu ka leuh  sal, a thuhla rel asi tiang ih ka hmuh ne tabik sal caan cu a si. An kai ti ka theih cu ka riah sia in nitin ka tap a pawi ka ti tuk..’ (Zuk : Yettaw an kaih lai)
 
APTOPIX Myanmar US PrisonerYettaw hin Suu Kyi an rak kai ve cu ka mangin ti bang a si a ti. U.S. Senator Jim Webb ih Kawlram hotu upa pawl a biak nak ruang Yettaw hi a thawng inn tannak ihsin suah a siih, tu ah cun a umnak hmun Missouri ah him dam ten a um. (zuk : Yettaw a tlun lai)

(CNN ih a thusim mi lawrkhawm ih lehmi a si)

(Visited 43 times, 1 visits today)

Comments

comments

One Comment

  1. Hitivek thil cang hi cu mipi in kan theih cio vekin kan ram ih hrokhawlnak ruangah ti cu nautabikin upabik tiang kan theih thluh a si… hitivek ih hnamdang Yettaw ih tongkam mallai kan theih hman hi thinlung malte a hlim vekin ka thei…. an thurel tlangmi pawl hman theih thei thluh sisehla duh a um vio nan…

    Huiha… ziangtitha… kan Nu bik Aung San Suh Kyi hrang zamrang theitawk ih a luat theinak ding thlaza kan camsak cio pei….

Comments

%d bloggers like this: