Suu Kyi In A Pa Mang Sal

Tuini 19 July 2012 ah Kawlram ralkappawl le ralkapuknak dotu Pi Suu Kyi cun 1940 ih Kawlram hrang nunnak rak liamtu Gen. Aung San le a rualpi pariat pawl man ringringnak cu Rangoon sung ih hmun pahnih ah an hmang.

Hi, Martyrs’ Day a vei 65th nak hmun ah Vice President Sai Mauk Kham le upa ziangmawzat an tel. Pi Suu Kyi lawng siloin ralkap hotupawl khal ram hrang nunnak rak liamtu mi pariat pawl hmai ah an lu kuun in upatnak tawkfang nawn sung an pe. Kawlram Vice President hi hivek ih a veikhat telnak a si.

Ram hrang nunnak liam pawl sunnak an neih laifang hi Kawlram sung ah live in TV ah an lang ter. Suu Kyi cun a pa upatnak ah pangpar pawl a ret ih a sungkhat unau pawl thawn NLD office lam pan in an feh. Suu Kyi cun mino pawl hnenah ramhrang nunnak liam pawl upat an tlak zia pawl simnak a nei.

(Visited 107 times, 1 visits today)

Comments

comments

Comments

%d bloggers like this: