Suu Kyi Ih Nobel A Laklaiih Thucah Tawi : Kum 21 Hnuah

Suu Kyi Ih Thusim Lai

Kum 21 a liam hnu ah Nobel Remdaihnak lawmman ngahtu Aung San Suu Kyi cun tuisun ah Noble khawpi Norway, Oslo ah a lawmman ngahmi peksalnak hunserh an tuah sak ih thusimnak a nei. John Fennis in  hi lawmmang ngah thei in a hmin hi Nobel tawlrel tu pawl hnenah a pek mi a si.

1991 Nobel Peace ih lawmman ngaingai capi leh suitum cu a fapa in hi kum ah a mah aiah a rak lak sak zo. Tuisun ahcun hi lawmman a ngahnak hunserh ih a thusimnak canpual cu hmansal a siih minute 15 tluk thusimnak a nei. A thusim dingih a kawh zawngah le a sim thluh ah a suakkhawmtu ramtin upa pawlin minute 2 lenglo kut zapi bengin an lawm.

Suu Kyi cun Kan ram sungah remdaihnak thleng dingin ka kaih hruai party pawl in hmalaknak kan nei thok rero zo. Ram dang pawl ih bawmnak hi kan tul a si. Ka rampi nitlaknak lamah buainak , tlangparmi pawl parih ngaihsaknak , ramthukhel ruangih thawngtla khal an um lai. Thawngtla pakhat ih a sia le tha theihnak khal tampi lakih pakhat a sive tiin asim.

Tlangparmi pawl thawn kahawk nawn lo ding hi ramsung ih rualremawknak ding lampi a si. Inn thawng ih khuahkhirh ka silai ihsin ka zirsuahmi thil thupi bik pakhat cu Ngilneihnak hi a si. Kan ni kan dawimi le kan zuammi cu remdaihnak lawmman a siih cui remdaihnak lawmman kan timi cu zalen

nak, kilhimawknak leh umkhawmtlang theinak a si. Zanah remdaihnak thawn it in zingah hnangamten thawh thei ding hi a thupi a si.

Leitlun ramtin in remdaihnak hrang kan kut kan sihkhawm awk ahcun kan leilungpi cu ngaihsakawknak le remdaihnak in a khat ding a si ti phah in le lawmman a petu hotu tuanvo neitu pawl leh leitlun ramtin ih a mah thazaang petu pawl hnenah lungawi thu sim phah in a thucah cu a cawl ter.

(Visited 56 times, 1 visits today)

Comments

comments

3 Comments

  1. A sungkhua kimte kim sehla a duh ve zet ding.

  2. A lung put te cu dawt um nasa ka ti, zum tu in cui lungput cu nei fingfing nungla Kan Pathian a sunglawi awm ee aw.
    harsat nak le do nak kan ton mi pawl hi kan nun zirh tu tha bik an si… kan lei nun le thlarau nun khal ah.
    cun iksik nak hi hrial thei nung la a va duh um tak ee…………

  3. Hunserh an hmang ti?

Comments

%d bloggers like this: