Suu Kyi An That Ding : Yettaw

ann2Suu Kyi inn kulhnak tiva leuhsuak in a thup te ih a inn ah zan hnih a riak tu Yettaw cun Suu Kyi “an that ding” tiin thuthang lakhawmtu pawl ih interview an tuahnak ah a sim.

Kawlram ralkap pawl ih an that ding thu ka rel lo” cutisilo in ralkap miuk a dodal tu pawl in an lalnak a tluksiat ding duhnak hrang ih hmanrua pakhat ah hmangin an that ding’ tiin a sim.

Yettaw hin a manglam ruahnak ah Suu Kyi cu a inn lampi an khamlonak ihsin a unau sungkhat hmangin a inn ah awlai te ih that ding vekin a ruah ruangah September 2009 ah Suu Kyi umnak hmun Inya tikulh cu a thupten  leuh suak ih a va fehnak a si. Zan hnih a riah hnu ih a leuh kirsal lamah kaih a tuar ih, thlathum sung thawng in ah thlak a si hnu ah Kawlram ih sin suak dingin an dawi suak. Suu Kyi khal, hi thu ruangah thla 18 sung rori a inn sung ih khuahkhirhnak cu an ti sausak bet.

Suu Kyi Inn

‘A mah thattu dinghi a bur (team) in an um tiih a mangih a ruahmi khal’  November 20 Suu Kyi an suah hnu zarh khat ah a sim ih, a sim bet vivo nakah cun “ a thleng dingmi ka rak hmuh cia mi ka mang a si; a inn ah an va lut dingih meithal hmangin an kap that lo ding, sivai sia hmangin a lungtur siat ter ding lole a thluak lam tisiat dingin an tuah dingih, thih pa ngai vek te ih thi dingin an tuah ding. A ruak an vui cih dingih ziangruangah a thi ti zohfelnak neih a si lo ding, cutin kumkhua in a cemta ding’ tin a sim.

Ka mang dang leh ahcun ‘ thah dingih an hruaimi sualnak neilo tuu fano vek a si. Cutin a mah an thahnak ruangah UN in Kawlram thu a buaipi ding ih ramtin ih cangvaihnak khal a tam ding – cule Junta cu a tluse ding. Cutin a nihcu vansiat thlak zet in thil pakhat that hnemnak ruangih tuahmi a si. Cucu an duhdan sawn silo in, a thatnak dingah a si sawn. Cucu ka thin ti nuamlo zet tu mang ka neih mi cu a si tiin a sim.

Yettaw hin tu ni tiang a mangih a hmuh mi hmuahhmuah a tak ih an kim thu a sim.

Amah ruangih Suu Kyi khuahkhirnak an pek betmi ah a thin nuamlo thu a rel. “ Thil cu ka ti danglam thei lo ding. Sinan ka nunnak ih thlarau thianghlim thawi ka tonmi thil ropi a si tiin Thu thlungthar Bible cang sal tel khal cun a rel.

Yettaw hin thuthang lakhawmtu pawl ih thluaklam kimlo deuh tiih an puhnak le Pathian in a manglam hmangin a hruai tiih an puhnak cu thuphan  a si tin a el. Taksa nat nak ruangih a theih/hminsinnak hloh nat a neih thu khal cu a sim ih ‘ a thleng dingmi zirhnak a si. Ralrin peknak a si. Riahsiat thlakzet a thleng dingmi a si.’ tikhal cun a sim bet.

Yettaw

Ka fapa thihnak ding thu khalah riahsiatza theihternak ka rak ngah. Cumi lawng silo in ka sungkhat unau pawl thih ding khal ka rak thei cia a si, ti khal cun a sim.

Thil pakhat ka lo sim theimi um leh cu ralkap pawl in khatawk an hnen ih ka um ding in duh lo. In tih. Ka thusim mi ruangah in tih tin in sim a si ti khal cun a sim. Yangon Insein ih thawng an thlak lai khalah a ban ah kuah in an fehpi ih, zan var ih an kil hlei ah dam lo ih a um lai khalah a cal ah hnam in, kan lo duhdawt tuk tiih an ti thu khal a sim.

Yettaw hi thawng an thlak laiah a fapa Shawn cun si tham (over dose) in a thisan ih, a tuarnat hleicenak cu a fapa pakhat sawn Clint in 2007 ah Motocycle cangsualnak ih a tansan zo ruangah khal a si.

ED : Richard S Ehrlich, San Francisco, California mi Bangkok ih um thuthangla khawm tu – 1978 kum ihsin Asia ramthen ih thuthang lawrkhawm tu leh Hello My Big Big Honey! Love Letters to Bangkok Bar Girl ti thuanthu phuahcawp ngan tu pa ih nganmi sung ihsin leh mi a si.

(Visited 79 times, 1 visits today)

Comments

comments

11 Comments

  1. Dear Unau zate’n

    Kan Nu Aung San Suu Kyi a thi lo ding.

    A thi zo ih atu ah a nung saal zo sawn mi si kha.

    Pathian in Aung Saan Suu Kyi damsaunak pek hram seh.

  2. Yettow ih mang a rel mi cu ralkap lam ih cangvaih duhdan a si hmel zet ko.

  3. Yettow ih mang a rel mi cu ralkap lam ih cangvaih duhdan ding a si hmel zet ko.
    a rel vek in cang lo hram seh ti cu ka saduhthah a si.

  4. Thuphan hlir a si hi…. zumtlak ding pakhat hman a um ual lo

  5. Topic ka hmu cu ka thin a phang,,hngin

    Maang lam thu sihramseh,,tiah saduh ka thah…

  6. A si lai lo a lih a si lai.

  7. Thilcangthei khal a si ih cang thei lo khal a si
    Kan Nu biik Aung San Su Kyi hi a thih pang a si ah
    cun kan ram hi UN in a buai pi ding ih ziang ti si maw cu
    lam zin aum men thei. A sinan hi vek a thleng ngai ngai
    asiahcun a sung ih a um mi ( ram sung ih um) pawl
    kan tuar tuk ding ruangah hi vek hi cu cang hram lo sehla
    tin sa duh ka that a si.

  8. Saithantluanga Tuallawt says:

    Va mak duh awm ve aw …

    Pakistan le Palestina ram Democracy duh ih hruaitu an thih ah an ramin a dang lam phahin kei cun ka hmu lo. Hruaitu tha an caan ah kei cun ka ruat men.

    Suu Kyi thi pang sela cun ( a thih loh cu kan duh ciau) Arafat thi vek khan kan ram ah Democracy a thi ve cih tin ka ruat.

    UN cun a dam lai ah hman ziang an tuah thei loh cun a thih hnu sin sin cun ziang an tuahsak thei nawn lo. Suu kyi hi a thih hnakin a dam hin thil tha a suakpi thei sawn a si, curuangah a thih hi zo pauh pauhin an phang em em mai. Kan duh vekin UN hin inngaihsak tawk lo ti cu kan thei theh, Suu kyi um lo bet sela in thei paih nawn ding maw? Kan inn sungsang thu cu zo dang hmanin dan lovin in relsak lo ding.

  9. Manglam thu rel a si ih a dik thei – dik lo thei a si.
    Suu kyi hi kawl ram sung mipi in an duh tuk ih Ralkap le a vuangvang hrangah cun thin phannak a si ko. Depezin in an rak tuahmawh tum vek in a cang sal ding ti a phan um zet. Thawngtla mi lai tam pi an nei dingih cu mi pawl cu that ter in an mah in a that tu thu an rel lala dingih ziang hman langsuak thei nawn lo in a um ding ti a phan um zet. Tin Oo thih dan teh tu tiang ziang hman theih fel a um tuk lo.
    Pathian in kan ram hrangah humhim sak ko ding.

  10. a cang thei lo tin’ ka ruat ko nan, mang ti mi hi a caan caan ah thilmak asi thei theu la la cuh.

  11. ————————————————————————————————-
    Himi thu ah ka zumnak ka rak ngan dah……………..

    Rihli Group Mail
    On 16 November 2010

    Tulai leitlun thuthang lawkhawmtu pawlcun Suu Kyi an zohbik in a lang.
    Thuthang hmaisabik cahlap a luah tam thlang nasa.
    In hmeltheih cu kan silonan rampi zalennak ding sualtu pakhat a sinakah kan ngaihven ve nasa.

    Tulai ram sung NLD headquarter hmai hrawng ahcun Suu Kyi cu a mikhual lo nasa ding ka zum.
    Chinmi pawlin kan unau kan thisen zawmpi rori asi tiah kan rak ham ttengtteng.
    Ramsung lungawinak le riahsiatnak (change) thlentu pakhat cu a si em ding.

    A thuanthu fehdaan hi Pakistan Prime minister Benazir Bhutto thawn ka khaikhin sak theu.
    An ropi veve nasa. Bhutto hi Pakistan nunau prime minister tuan um sun a si.
    Anih khal Suu Kyi vek deuh in an ram eiruknak le buainak merozaam ruangah 1998 ahkhan Dubai ah atlan. Asinan 18 October 2007 ahkhan Pakistan ram ah a ra kirsal. Rampi zalennak mission a thok.

    Cutin 2008 Pakistan rampi hrilawknak an neihzik zarh hnih duh ah ruahlopin mipi hmai a thusim lai an kap that. Anih khalhi Pakistan nunau hruaitu pangpar mawidawh pakhat asi ve. Suu Kyi thawn an cangvaih daan a ropi nasa. Curuangah Suu Kyi khal hi a theitawkih a venhimawk cu atul in a lang. Suu Kyi bangin Bhutto khal a rak sunglawi ih cekrek ih hlentheilonak mawtaw a to lai ah an rak kap that lo.

    Suu Kyi ih a (rally) lamzin khalah Bhutto bangin ruahbanlo riahsiatnak atawng thei mi asi.
    Sakhi thingawn lon ter in!

Comments

%d bloggers like this: