Suu Kyi an suah men thei

Aung San Suu Kyi and the US envoy Kurt Campbell after their meeting in RangoonKawlram ralkap mi uk ih kum 20 sungih vei 14 sung innsung khuahkhirhnak a pekmi NLD hruaitu le Kawlram mipi zalenak hrang sual tu Suu Kyi cu suah in hnakum ih hrilawknak ah a tel ve ding tiin Kawlram ralkap hruaitu pakhat cun a sim.

Min Lwin ramdang ih kawlram ukawknak thu thawi pehpar ih khualsang tlawng cun hi thu hi a sim nan, Ram uktu lam ihsi a can khiahfel mi le tuahmi taktak an neih mi  lawngte hmuh ding a um hrih lo.

‘Suah lohli dingin tumtahnak a um ih….a pawlkom(party) pawl khal a huaihot  in a kaihruai thei ding’ tiin Min Lwin Director – general, Foreign Ministry cun a sim. A mah lawngte Suu Kyi hrilawknak ding ih tellek ve an siang ding tiih a tinak cu a si lo thu le a dang felfai lawngte a sim duh lo.

Suu Kyi hin hnakum ih Kawlram hrilawknak ah a telve theiding cu zum a um lo ih culawng si lo in kawlram ih daan hrampi sungah zungsang ih ttuan lo dingih khamnak a um.

Min Lwin hin hiti ih Suu Kyi suah an tumnak san hi US president Obama ih Kawlram thawi an pehpar awknak le Kawlram kaihhruainak a ti danglam ruangah cun a si cuang lo ti khal cun a sim bet.

U.S. Assistant Secretary of State Kurt Campbell le Ambassador for ASEAN Affairs Scot Marciel pawl ih kawlram hotu le Suu Kyi an ton mi cu US ram hruaitu upa pawl ih kum 14 sungih kawlram hotu an ton sal veikhat nak asi.

Suu Kyi khal in US upa pawl thawi an ton awk nakah a lungkim zet ih ‘Kawlram mipi zalennak ding hrang ah hmalaknak anneih ding a zum thu khal” a ukil Nyan win cun a sim hngehnge.

SINGAPORE (AP)

(Visited 71 times, 1 visits today)

Comments

comments

Comments

%d bloggers like this: