Suu Kyi A Register Aw Zo

MyanmarNews.Net, Te Globe And Mail | January 18

Kawlram mipi beiseinak bik NLD party chairperson, Awng San Suu Kyi cu tu’ini, January 18, tlawngkaini thum ah Kawlram in lailak-hrilawknak a neih dingmi ah Kaw-hmu township ihsin tel dingin Yangon khawpi ih local election office ah a register aw theh zo thu Kawlram thuthangca in a tarlang.

Suu Kyi cun a register-awk naksan cu thuneihnak a duh ruangah a si lo thu a rel ih diknak thawn Kawlram mipi rorelsak a duh ruangih tel a si thu le remdaihnak thawn ram mipi kaihhruai a duh ruangah a si thu a rel.

Register Tuah Lai

Yangon khaw laili ih zinpi ah mipi tam zet cun Suu Kyi a register-awk thu an theih ruangah an lungawinak lang ter in thantar ah ‘Suu Kyi kan lo duhdawt’ti an ngan ih ‘ Suu Kyi dam sin seh” tiah an reipi sung an au. Mipi tamtuk ruangah buainak suah phang in cozah lam thuneitu pawl cun ralkap le palik cu ralringzet ih mipi an kil ter thu khal thuthangca in a tarlang.

Kalram in lailak-hrilawknak April 1 ih a neih ding mi ah NLD in parliament ih lower house ah seat 48 an cuh ding ih seat 48 cu co ngah hman sehla seat 440 neitu cu cozah milesa an si ruangah daan hrampi thlakthleng a si thei ngaingai ding cu a zum um lo a si.

(Visited 28 times, 1 visits today)

Comments

comments

One Comment

  1. Ummmmm…..

    Ziang a si khal le.. kan ramte hi cu ?hatlam pan vekvek cu a si…

    Thlacamnak thawn kan ?ang hrih pei.

Comments

%d bloggers like this: