Surbungtlang Thuthang

America in Missile Ralthuam Kahthlak Nak A Bun Bet Ding

US Defence Secretary, in Thuthangca latu pawl hnenih a sim nakahtumblr_mctd1rS22m1rk5eu3o1_1280 America Cozah in an ram khawthlanglam ah Missile ralthuam zuanglai kahthlak thei nakding ralthuam a bunbet dingthu a sim. hihi Nuclear ralthuam hmangih America kapse thluh dingih hrotu North Korea hnen ihsi a kilhim tumawknak a si ding tiah ruah a si. Tuah hin America in Missile ralthuam Vansang parih zuanglai kahthlak theinak ralthuam 13 pawlhi California leh Alaska ah an buncia zoih, tuah a dang 17 bunbet an tumsalih a zaten Missile ralthuam kahthlak theinak ralthuam 30 bun an tum.

Nuclear_weapon_size_chartUS Defence Secretary, cun Nuclear ralthuam hmang dingih America hringhro tu um khal hai sehla America hin a ram leh a mipi kilhim nak ralthuam a neitha tawkih lungphan dingleh ttihding zianghman a umlo tihi America ram mipi khalin theifiang hai sehla a duhthun a sim. Missile kahthlak theinak ralthuam an bunthar dingmi lakah himi ralthuam 14 pawlcu Alaska ih ralkap hmunpi Fort Greely ah paisa dollar Billion 1 cemih buntum a siih, a dangpawlcu hmun dangdang ah a si ding. Himi ih hleiah America cun an hmelma ralpawlih ralthuam ziangvekin a feh timi zohfiang theitu ralthuam dangkhal Japan ramah bun a tumih, himi ih hleiah America Cozah hin kum 2022 hlanah Europe khawmual ram pawlah Missile kahthlak theinak ralthuam ret a tum thotho.

President, George W Bush ih lallai ah khan Europe khawmual ram pawlah ralthuam sekkhawm a rak tum micu Obama in President a si veten a rak hnawlsak salih Asinan tuah kum 2018 hlanah Poland leh Romania ah Missile kapthla thei ralthuam hi ret an tumsal.

Syria Cozah Ralbawi in Opposition Pawl a Zawm Ta

Kum 2011 March thla ihsi thok Syria ram buainak cun rehlam a pantheith cuang hrihlo ih, himi an buainak ruangih mithi cu 80,000 an kimzik thlangih , tukhalah Cozah ralkap leh Opposition ralkap pawlcu an do aw rero lai. Himi laiah Cozah lam ralkap hotulu General, Mohammed Ezz Al- Dim Khalouf cun Cozah lam phatsan in Opposition lam a zawmthu Al- Arabige TV hmangin a puangih, Jordan ramah a tlanlut. General Khaluof cun Syria President, Assad leh a lamtang ralkap pawlih thinlung putdan adik nawnlo ih ram mipi donak ah Turnei bomb ralthuam an hmang a si tiah asim,

General, Khalouf in Opposition lam a zawm theinak dingih tawlreltu Seif al- Hourami cun General Khalouf in Opposition lam a zawmtheinak ding lamzin hi a liamcia thlakhat lai ihsin rak tawlrelcia a si tiah a simih, General, Khalouf ih nupi leh a fate 3 pawlcu a liamcia ni 6 ah khan Opposition ralkap pawlin an khawpi Damascus ihsin an rak lasuakzoih Jardanah an luhpizo ih cumihnu tuah General Khalouf khal a tlansuakve a si.

General, Khalouf hi Syria ram buainak ih Opposition lam zawmtu lakah hotulu langsar hmaisabik a siih, Cozah a phatsan timi thuah ah Syria Cozah lamcun zianghman relsuakmi an nei hrihlo. Syria ram buainak ah hin minung diknak covo humhimtu Human Rights Watch cun leitlun ram dangdang pawlkom in hman an sianlo mi ralthuam ttihnung Turnei Bomb cu Syria Cozah ralkap in a liamcia thlaruk sungah voi 150 lenglo Opposittion mipi kahnak ah an hmang tiah an sim.

North Korea in South Korea Ralrin Nak A Pe

North Korea Cozah cun South Korea thawi an ramri South Korea th (1)ramsungih Yeonpeong tipikulh sungih minung um pawlcu an umnak hmun suahsan thluh diungin thu a pe ih, suak dingih nitiam an tuahmi sungih an suah duhlo a si len himi Yeonpeong tikulh hmun 5 pawlcu Missile ih a kapsiat thluh dingin ralrin nak a pe. himi hmunhi North Korea in kum 2010 ah khan Missile hmang in a rakkap zoih khami tumah South Korea rammi minung 4 an rak thizo.

Yeonpeong tikulh hi ram pahnih ritawk nakih um a siih, tui naita ah khan South Korea Prime Minister, Chung Hong Won in a palih, PM, Won cun ram pahnih karlak boruak thalo hman sehla zianghman ttihding leh phanding a umlo tiih mihi tikulh ih um mipi pawl a sim ruangah mizan sunah khan North Korea Cozah thusuak hi an ram Website pakhat cun himi tikulh ih minung um pawl suakthluh dingih thu a peknak hi an tarlangcih.

Comments

comments

Comments

%d bloggers like this: