Surbung Vazam Ṭumhmun Vei (2) Zohfel Salnak

Surbung Tlang vanzam ṭumnak vehvai lai

Surbung Tlang vanzam ṭumnak vehvai lai

Falam: Surbung Vanzam tualrawn hnaṭuannak detail survey ṭuan rero Surbung Vanzam tualrawn pi hrang ah a voihnihnak detail Survey tuantu ding U Tin Tun le a ho mipum 11 cu 22 December ah Falam an thleng sal. 

Mikhual pawl cu khuanu/pa, Vanzam Cangsuak Committee hrekkhat, veng upa le Volunteer mino pawl in Falam khuahnar in hmuaknak an nei. A thaisun, 23(sunday) ni ah Surbung tlang ah feh in hnaṭuan daan ding an zoh cih. 25 ni cu X’mas ni a si vek in Detail Survey (D.S) pawl cu cawlhahdam ter in le X’mas zaanriah eikhawmnak cu Salai. Naing Naing ih sawm nak in RC Biak Inn ah nuamzet le lungawi zet in an hmang thlang.

Ni 26 ni ah Surbung Vanzam tualrawn ah Control Point pa 6 an phun. A cu mi an phun mi pa 6 cu GPS check fel ding ah Lumbang ih rak phun cia mi pa 1 le Hakha in phun cia mi pa 1 thawn master lak in zohfel nak an nei. Cumi an zohfelnak cu zanlam 3:30pm ah tluangten an ṭhehsuak a si. D.S pawl cu 28 ni in Surbung ih Buuk ah riah cih in hnaṭuan cu an pehzom vivo.

Surbung Vanzam Tualrawn Hrang Hnaṭuannak

Surbung Vanzam Tualrawn Detail Survey ṭuantu pawl cu (1). Salai. Pa He (2).Pu Hrang Lawm (3) Pu Cung Cung.(4) Salai Mang Te (5) Salai Cung Cung (6) Pu Pa Thawng pawl in anmah Jeep motor cio in thlahnak an nei fingfing hngai. Pu Than Cong khal in a Tricycle-motor thawn thlahnak a nei ve. Detail Survey ṭuantu pawl an rak thlen ni 22-27 tiang an ti rawl ei mi pawl cu Surbung Vanzam Cangsuak Committee in an liamsak mi a si.

Control Point an zohfelnak ding hrang ih master lak nak Lumbang le Hakha ih feh ṭulnak ah Volunteer mino pawl in Bike thawn thlahnak an nei. Detail Survey pawl zaan ah khuahlum ten an it theinak ding zawnruatnak thawn Surbung Commiitee pawl in puanhlum zunkhat cio khal an leisak.
Pu Ngun Luai te Inn kiangkap (Bethel veng, Baptist pawl vengthan kawhdaan) mipum 10 lai in Volunteer in a ṭul mi hnaṭuan nikhat sung an va bawm.

Mipi lam ih bawm le ṭanpi ding mi 

Tu ṭum a ra mi pawl an ṭhehfel hnu rei lo te ah Soil Test (leilung zohfeltu) pawl ra sal ding an si ih culawng siloin rampi khual lian a si mi Pyithawsuh Vuankyi le Lai ram Chief Minister tla  ra zoh ding an si.

Culawng sihrih lo in tu a ra ding mi January ni 3 in Surbung Vanzam ṭumnak ding ih thingkung le thil dangdang pawl cu hau thluh in thianfai thluh ding hnaṭuan thok a si thlang ding ih nikhat mipum 30 -40 in ṭuan a si ding ih hlawh 500 zik lai ṭuanṭul mi a si. Cumi thinghau le vat hnaṭuan cu ni 10 lai ṭuanṭul mi a si.

Vanzam ṭumnak tualrawn cu a saulam pi 4000’x100′ tuah ding mi a si. Curuangah tuhrih ahcun Domestic le Vanzam te pawl hrang ah a si lai ding ih nehhnu lam ah International Airport pi tiang sak thei dingih tuahthei le hamcia mi a si. Tuṭum ih a hotu U Tin Tun cun,” Himi Surbung Vanam a tum hnu cun Chin ram cu tu hnak in a let 2/3 a kilkip in a ṭhangso ding a si ” tin upa pawl hnen ah a sim.

Comments

comments

4 Comments

  1. lawmhnak tampi kan ngei…………bawipa nih kan lairam ah cu thluachuah pe chin ko seh……..HAKHA he a naih te fawn…….a tha tuk

  2. Lungawi tuk…

  3. thank’s GOD

  4. Tlir lung hla ih Surbungmualrawnin lungawi aipuang ten kan lo hmuak an rak ti cu a takin a thleng ngaingai ding a bang.lungawi um.

Comments

%d bloggers like this: