Surbung Vanzam Țumhmun Mahten Lai Thok

Chinram
No Al
Falam peng Surbung vanzam țumhmun cu khawnu khawpa pawl hohanak in mizaan sun ihsin thok in JCB pathum thawn an țuan thok zo thu khawnu khawpa hnen in theih a si.

“Himi hrang sumpai hisapmi pawl khal acozah in phuahhlam a phunphun hawlin an fuak thlak țheu ruangah kanmah thazaang rori in hi tin kan țuannak a si. Lei cek kan țheh le acozah hnenah kan ap ding” tiah Falam khuanu khuapa committee sungțuan bawmtu U Hrang Lawm in The Messenger Media ah a sim.

Tui an laih reromi vanzam țumhmun hi a saulam pi 12000 le a kauhlam pi 50 a si. Hi hrang sumpai cem dingih hisapmi cu ting 300 a si i tu ah ting 70 le ting 80 sehvel kutsungah a um thu sungtel pakhat in a sim. A tul zat sumpai pawl hi khawsung le ramleng ummi pawl hnen ah a hlu dil rero a si thu khal theih a si.

“Ramkulh țhansonak hrang lungrual ten kan tuantlang hliarhlo i tha ka pe nasa. Vanzam tumhmun tuah ding thu hi president a rat lai khal thukam a tuahmi a si” tiah hluttaw palai Pu Khuang Ling in The Messenger Media ah a sim.

Nitin JCB 2 thawn tuan a si len ni 20 sungah theh thei tumtah a si ih vanzam fate pawl tum theinak hrang tuahmi a si tiah khuanu khuapa sungtuan bawmtu in a ti.
Kawlram ih a farahbikmi Chin ramkulh ah pehtlaih suksonak hrang lei par lamzin lawng kan neih tikah cemlian ding thawn a phaman aw lo ti lo in Chin ramkulh thansonak hrang ruat sawn in acozah lam in tuanpeh vivo ding hi kan duhthusaam a si tiah a sim bet.

Ref:The Messenger Daily(Tue;Nov 11;2014)

Comments

comments

2 Comments

  1. A ttha nasa, lungawi um tuk.

  2. Falam Khawnu/Khawpa pawl nan ti ttha nasa…
    Zuam vivo uh, “A mawi sinsin ding Lairawn”

Comments

%d bloggers like this: