Surbung Tlang Thuthang

9/11 Mawh Phurtu ih Thu relsak Ding

CNN in a sim nakah White House Press Secretary, Robert Gibbs cun  kum 2001 September ni 11 ih New York khawpi  World Trade Centre Vanzam thawi ttaih siat thluhih minung 3,000 lenglo thih nakih mawh phurtu ih telve Khalid Sheikh Mohammed cu  a thuhla relsak a si thlang dingih, thiamlo coter a si ah cun  thah a si ding a ti tiah CNN cun a sim.
Khalid Sheikh Mahammad hin 9/11 thuhla ih mawh phurtu a si thukhal a phuangaw zoih, a thuhla relsak tu ding leh ziangtikah a thuhla an relsak ding ticu an rellang duh hrihlo. US ralkap hmunpi Pentagon khalin  Khalid Sheikh Mohammad hi  9/11 ih mawh phurtu lakaih tel mi pakhat a si thu an puangzo.

Obama leh Dalai Lama Tonawk Ding China in Duh Lo

Tibet ram Buddhist biaknak hotu  Dalai Lama ih ai awh tu pawl leh China Cozah ai awhtu pawl ni 5 sung an biakawk hnu ah Chinese Communist Party hotu, Zhu cun  US President, Obama in Dalai Lama a kawm a si ah cun  China leh US karlak cu a se zetding a si tiah Thuthangca latu pawl hen ah tuisun ah a sim.
Zhu cun Obama leh Dalai Lama an kawmaw ti China in a theih veten US leh China karlak cu a khingkuai cih dingih, China in a duhlo ti thei cing ringring ih Obama in Dalai Lama a kawn thotho a si ah cun China khalin a duhdan vekin a let rul veding a si  a ti.
Hiti vekih China Cozah in thu a suah naksan hi tui kandung naite hrawngah Obama in  Dalai Lama ton a tum ti thuthang a um ruangah a si. Tui ttum China ram ai awh tu leh Dalai Lama ih ai awh tu pawl an biakawk nakah hin  China leh  Tibet karlakih tthatsawn nakding lamzin zianghman relsuak mi an nei cuanglo tiah  Chinese Communist Party Hotru Zhu cun a sim.
China ram ai awh tu pawl leh Dalai Lama ih ai awh tupawl hi kum 2002 ihsin voi 9 lai an be awzo nan  tutiang remawk nak thu an relthei hrih cuanglo.

Iraq Bomb Puak

Tuisun ah Iraq ram khawpi Bagdad ah nunau pakhat in a paimi bomb mipi lakah a ti puakih minung  41 an thiih, midang 106 in hriamhma an tuar. Interior Ministry thupuangtu Maj General, Qassim in a sim nakah hi thihcilh bomb puahtu nunau hin  biaknak sakhua thilthu ih feh Shia Muslim pawlin Karbula panih an feh laiah a Bomb paimi hi a tipuak tiah a sim.
Shia Muslim pawlhin an puithiam  Mohammad ih tupu thi ni 40 an sunnak a cemni  Arabaeen an timi hmangih an tonkhawm aw ding an siih,, Hi nunau hin an khuh awknak puandum sungah Bomb a paiih cumi cu mipi tamnak ah a ti puak.
(Visited 58 times, 1 visits today)

Comments

comments

Comments

%d bloggers like this: