Surbung Tlang Thuthang

14th July, 2009

Japan Ram  Parliament

Japan ram  Prime Minister, Taro Aso ih hruaimi Libaral Democratic Pary leh  Cozah nak a tuahpimi Party dang Japan ram Cozah cu  Opposition  Party  Democratic Pary of Japan leh party dang pawlin rintawk lo nak  No- Confidence Motion an putluh micu, tuisun ah Parliament hnuaita ah reltlang khawm a siih, Hi no Confidence Motion thu relnakah  Cozah nak kailai tu Libaral Democratic leh a tuanpi pawlcun Parliament ah Vote 333 an hmuih  Parliament ah nehnakan co ih a dodal tu lam pawlin vote 139 an hmu ve.

Himi no-confidence motion thurel nakah hin Opposition pawlcun  hmaithla ih an ram hril awklnak ding dinhmun zoh in  Cozah pawlcu nasa zetin  an  tthua nasa ih, Tui kandung naite ih Tokyo khawpi sungih  an hril awknak ah khan Cozah nak kailai tu Liberal Democratic pawlhi an caklo nasa ih cu ruangah Opposition pawlkhalin Cozah kailai  PM Taro Aso ih hruaimi Cozah hi an zuamzet a si, Opposition hotu Yukio Hatoyama tlacun Cozah hotu pawlcu tongkam mawilo leh khermei zetin a tthua ciamco hai  a si

Al-Qaida Pawlin China An Hro

South China Morning Post thuthangca in a tarlang nakah China ramih Uighur muslim miphun pawlleh Han miphun pawl karlak buainak ih Urumqi khuaih Muslim pawlih tuarnak cu  Al-Qaida pawlin phuba lak an tum tiah a tarlang, Hi thuhi Algeria ramih  Al-Qaida pawl Islamic Maghreb pawlcun  China ram Muslim pawlih tuarnak an thisen cu a lakin a luanglo ding China miphun leh China Cozah parih phuba lak antumthu an puang a si a ti

South China  Morning Post cun tuittum hi  Osama Bin Laden ih ho Al-Qaida pawlin China an hro a voikhat nak a si a ti. MIddle East leh  North Africa ah hin China miphun hnatuan  tamzet an umih, Algeria khalah China mi hnatuan minung 50,000 lenglo an um, tui kandung naite China ram Urumqi khuaih  Uighur miphun leh Han miphun pawl buai nakah khan  Uighur Muslim minung 184 an thih midang 1,600 lenglo in hriamhma an tuar.

US Cozah Budget In Daih Lo

US Cozah Budget daih awklo nakcu  dollar Billion 1,000 lenglo a kimzo ih  US ram thuanthu ih Budget daih awklo nak tambik ttum a si. Hiti vekih US Cozah in paisa a hmantam naksan hi leitlun sumpai dinhmun  tlasia humhim nakdingih sumpai a hmanmi a tamtuk ruangah leh  Tax ihsi sumpai a hmuhmi a mal tukih  cun ei leh in  hawlnak ih hna neilo an tamtuk ruang khalah a si bet.

Kum 2007-2008 ah khan  US Cozah budget daih awklo nakcu dollar Billiob 455 a kimih  US Cozah Treasury cun tui Cozah kum an hman rero laimi hi thla 3 hrawng a tanlai ruangah  September thla cem zawngih sumpai an daih awklo nak cu dollar Billion 1.086 a kim dingih a zum thu an sim.

Manmohan Singh NAM Summit Ah Tel Ding

India ram Prime MInister, Manmohan Singh cu   France ram leh  Egypt ramih ni 5 sung tlawngding in mizan sunah  New Delhi a suahsanih tuisun ah  France Nitional Day a hmanpi ding. Manmohan Singh hi India ram hruaitu pawllak ah himi hmang dingih sawm hmaisa bik mi a si.

Himi hnuah PM singh hin Egypt ram a pan dingih  ni 15 leh 16 ih  Egypt ramih leitlunram  thleidan neilo rampawl tonkhawmawlnak NAM summit a telcih ding. PM Singh cun India ram leh France ram cu rualpi tha awzet leh  pehtlaih awknak tha an neih thu  New Delhi ihsi a suahhlan  ah thuthangca latu pawl hnen ah a simih. India leh Frnca ram pahnih cu  sumdawn tawnawknak leh  Techology,  NUclear, Zirnak, khualtlawn awknak leh Science pawl thiamnak lamah  pehzawn aw dingin lamzin phunphun hawl leh ram kilhim naklam  ih hnatuan  nak lamzin  an hawl vivo tlang dingthu a sim.

Pakistan Bomb Puak

Mizan sunah  Pakistan  khawpi Lohore kiangih thingtlang khawte pakhatah Bomb a puakih minung 16 an thiih midang 200 lenglo in hriamhma an tuar. Hi Bomb puahnak hmunhi  sakhua zirter awknak hmun nauhak pawlih um khawmnak hmun tlawng pakhat asiih, hi Bomb puakin In 24 a tisiat thluh bet, Hi tlawngin hi Bomb tuahnak hmunih hmantheu mi tiih theih a siih, Biaknak sakhua sual danglam zet fehpi tu Saza Riaz Ali ih umnak inn ihsi puakmi a si tiah  Khanewal District Doctor Muhammed Yousuf Soomra cun a sim. Himi hmunah runhsuah nak hnatuan tupawlcun  Bomb, Grenade, Rocket, leh thihcilh bomb puahtu pawlin an hruh theumi Jacket pawl tampi an hmubet.

North Korea Lalpa Dam Lo

South Korea TV Channel pakhatin a tarlang nakah North KOrea Lalpa Kim Jong il kum 67 micu  natnak khirhkhan  Pancrea s cancer natnak tuarin a bawkbeek lai tiah a tarlang. Kim Jong Il hi nikum ihsin a harhdam nakhi a tla niamzetih, cu ruangah  a thih hnuih a mai ai awhtu dingah a fapa Kim Jong Un cu a rakruat zoih, Asi nan Kim Jong Un hi an ram hruaitu dingah  an ram hruaitu dangpawlin an lungkim tinak thufiang cu a um hrihlo.

Kim Jong Il hi mipi hmaiih a langsuah netabik cu tuithla July 8 kha siih, tui Cancer natnak a tuar tikhal fiangtei theih nakcu a um cuanglo.  Himi laiah North KOrea ram hotu dang pawlcun an hotupa bik Kim Jong Il cu a damcak zet asi tiah an simve.

Iraq Ram Kristian Biak Inn Ah Bomb A Puak Tam

Nikhat sungah Iraq ramih Kristian Biak Inn ah Bomb voi 6 a puakih  minung 4 an thiih midang 32 ih hriamhma an tuar. Kan dung zarhte zan ah khan  Baghdad thlanglam ih St, Joseth biak Inn ah a puak hmaisa bikih Bomb 2 cu biakinn sungih zohman an umlo laifangih puak a si tiah Interior Ministry thupuangtu cun a sim. cumi hnu Colhni zanah khan biakinn kotka ah Bomb 3 a puaksal lala ih, cumi hnuah Baghdad thlanglamih biakinn ah Bomb a puak sal ih asi nan  vanthat thlakzetin mithi an tamlo.

Colhni sunah khan Tapung pawlin Baghdad thlanglam ih mawtaw tampi thlunaw pawlcu meithal in ankap ciamco ih mangbang za ih mithi an umlo  asi nan hriamhma tuartu cu an tamzet, Himi laiah  himi mawtaw ih rakto ve US Ambassador Chris Hill cu hriamhma khal tuarlo in a him. Tui Bomb puahnak hmun pawlhi Kristian Biakinn a siih himi hmunih khawmve theutu Sabhan  George cun  Tapung pawlih ruangah Iraq ramih Kristian pawlih dinhmun cu a cep vivo ih, Hiti vekih Kristian pawlin harsat nak kan tawn vivo asi ah cun Iraq ramih Kristian pawlhi hmundangah an tlansuak thluh pangding ti phan aum zet a si a ti. Iraq ram buaihnu ah  Kristian pawl hmuhsuam nakleh  tibuai nak ruangah kristian minung Million 1 hrawngin  Iraq ramhi an suahsan zo a si.

Tapung Pawlin  Police Pawl Ambush

Tihni sunah  India ram Chhattisgarh ih Maoist Tapung pawlin an khawpi Raipur ihsi Km 68 ihhla Rajnangaon ah Palik pawl an Ambush ih  Palik 36 an kapthat. Maoist Tapung pawlhin Rajnangaon ih CRPF pawin umnak Camp cu an siim ciamco ih cumi va rundingin SP Vinod Kumar leh a ho pawlcu an va fehih  Tapung pawlhin lamzin tlunih sin a rak bawhih an rak kap a si, an rakkah ih tlunah lamzinih palpuah Bomb an kambet mi pawlcu Palik pawlin an thinphang tlan zuangzam ah an palpuak bet sinsin ruangah mithi an tamnak a si. Hi mithi lakah anhotu pabik  SP Vinod Kumar khal a thicihve.

Himi ih tlunah  Mizan sunah  Assam State Sonitpur district ih  Palpuah bomb an kammi puakah  ralbawi pakhat  Colonel Parimal leh a mawtaw mawngtu an thi. Ralkap pawlhi  Tezpur ihsin  Tenga Arunachal Pradesh panih  mawtaw tampi thawi an fehlai a siih, Sonitpur district Balipara Reserveforest kiang Chadiduar ah  hi ralbawipa ih to nak mawtaw cun palpuah  bomb cu a palpuak ngah a si, Hi Bomb kamtu hi  National Democratic Front of Bodoland (NDFB) pawlih kammi a si ding tiah Palik pawlcun an zumnak thu an sim. a sinan  NDFB pawl an si rori ti theih fiang nakcu an neilo.

(Visited 103 times, 1 visits today)

Comments

comments

Comments

%d bloggers like this: