Sungthoh Zatlan

Siar: Seemtirnak 1:1; 20-27

Cun Pathian in, “Milai tuah thlang uhsi; kanmah ih hmuihmel keng in kanmah bangin kan tuah pei” a ti. – Seem. 1:26

Kumkhat sung Baibal   :- Thuphuan 6:10- Thufim 26:1-16

Whodunit timi ttongfang ih tican cu Detective Story timi Sungtthoh Zatlan a si. A thupibikmi Sungtthoh Zatlan cu kan Bible sungih Seemtirnak thu simmi a si.

Mi tampi in Bible hi, “A thoknak ah Pathian a ttul lo,” ti’n thok sehla an duh. An hrangah, “A hmaisabik ah Pathian in lei le van a seemsuah (Seem. 1:1),… “Kanmah ih hmuihmel kengin kanmah bangin milai kan tuah pei,” (Seem. 1:26) timi pawl hi an cosaang thei lo. Cumi ai ah, “A tha a cakzetmi thil an puakkuai hnu ah nunnak timi a ra suak ih cuih nunnak ihsin tuih sun ih kan sinak vek hi nuam tetein a ra cang vingvo (evolution)” tiah an zum.

Pathian a ttul lo an tinak cu ziang hmuahhmuah hi amah tein a cang vingvo ruangah leilung par le boruak kaupi sungih a ummi hmuahhmuah hi tuah remtu le suangtuahtu um lo ih amahte cangmi a si ti’n an zum.

Pathian cu ziang hmuahhmuah ih thawhkehnak hrampi a si. Pathian Ttongkam maw minung khuakhannak ih suakmi ruahnak kan zum sawn pei? Cuih zumnak cu “Kanmah ih hmuihmel kengin minung kan tuah pei,” timi Pathian Ttongkam thawn a kalh aw nasa.

A thoknak ah Pathian a um maw? Rin lopi in veikhat te lawng thil cangmi a si maw? Hih thusuhnak pawl kan lehnak hi sersiamtu Pathian kan zum ngaingai maw? zum ngaingai lo ti a langter.

Pathian a um ngai pei maw? tiah zirsaang mi aa in hnihsuah an sai,

Khuai pawl ih buai daan a zoihnit vek le;

Maimom raang sak daan a zohhliah vekin,

Ttem lomi arsi pawl an umnak ding ciarih an um thu a ruat.

Pathian lawngin ziang hman lo ihsin tlolak a tuah thei.

Comments

comments

One Comment

  1. A hmaisabik ah Duhsaknak thawn harsatnak a phunphun lak ihsin Pathian thu NItin Thlarau Rawl… nitin in fahtu Rev. Run Cung Mang parah lungawi thu ka sim

    u le nau pawl…

    Mail na check hlan ah ahmai sabik ah Hih Rawl Ngai hi ei hmaisa dingin ……

Comments

%d bloggers like this: