Sung Yu-ri; South Korea Milar Pawlih Thuthu Tawi (4)

Sung Yu-ri
Sung Yu-ri hi kum 1981 ah  West Germany ram TübingenBaden-Württemberg ah a suak. A Pa ‘Sung Jong-hyun’ hi  Presbyterian College and Theological Seminary ah  prominent professor of theology  a si. A pa Germany ram ih tlawng a kai laifang ah a suakih amah kum 4 a ti ah South Korea ah an ra kirsal ih cutin  Seoul  khawpi ih Gangdong District ah a thanglian.

Sung Yu-ri hi South Korean actress le singer a si. 1998 kum in thiamzung khawvel ah  a rak cangvai thok. Mipi ih an theihnakbik Tv drama cu   Thousand Years of Love (2003), The Snow Queen (2006), Hong Gil-dong (2008), and Feast of the Gods (2010) tipawl an si.

Sung hi high school tlawngta a si laifang 1998 ah nunau Korean idol group hmaisabik lam a simi mi 4 telmi K-pop girl group Fin.K.L (a long form “Fine Killing Liberty”), ah a nautabik dinhmun in a rak tel.  Fin.K.L cu a hong lar lohli ih Album pali Blue Rain (1998), White (1999), Now (2001), Eternity (2002)) an suah ih live concert khal an nei rero. Asinan album 4nak an suah hnu in an zaten solo lamah an cangvai ciamco ih cutin an thekdarh-aw thluh.

Sung cun kum 2002 ah zuknung lemcan a thok. A hmaisabik lem a cannak cu ‘Bad Girls’ timi ah a si. A hmaikum in leader actress in Thousand Years of Love (2003) ah a cuangih cumi in mipi ih thapeknak tampi a dong. Himi drama hrangah rang par to le martial arts a zir. Himi drama ahcun Siangpahrang fanu a tuan. Cun, Japan le Bali pawlih zaihmi drama First Love of a Royal Prince (2004) ah a telsal. Cutin acting khalah a thiam vivoih a hlawhtling vivo.

Kum 2005, February ah Kyung Hee University in Theater and Film degree thawn tlawng a theh. Fin.K.L group an thekdarhawk hnu in Sung cun zuknung lemcan lam sawnih herawk a duh ih cutin an group band agency a simi DSP Entertainment ihsin a suakih kum 2005, June ah  DSP Entertainment agency ah a lut. Kum 2006 ihsin One Fine Day le The Snow Queen ti pawlah lem a cang.

Kum 2009 ah Las Vegas le South Africa ram pawlah sumpai tampi cemih an zaihmi action-romance drama ah a telsal. Cumi kum in big-screen movie khalah a tel thok. Kum 2011 ah Romance Town, Feast of the Gods (2012), action-comedy film Runway Cop (2012), The Secret of Birth (2013) ti pawlah a cuang. Kum 2014 ahcun short film Chorogi and the Stalker Guy ah a tel. A netabik cu omnibusSummer Snow ah a tel.

Sung Yu-ri cu kum 1999 in 2003 tiang actor Yoon Kye-sang thawn an rak duhaw. Cumi lai ah a tlangval pa cu g.o.d timi  boy band ah a rak tel laifang a si. Asinan Yoon Kye-sang mandatory military service  ih luh a tul ruangah an rak then aw. Atu fang hi pro-golfer and coach Ahn Sung-hyun thawn an duhaw. A agency ih simdan cun 2014 kum thokin an thlunaw thok ti a si.

Comments

comments

Comments

%d bloggers like this: