Sun Tseu Khantlang ah kan Tong-aw!

Sun Tseu Khantlang ah kan Tong-aw!

S. Hrang Kap Hnin

Dr Chit Maung in Rev. C. Hrang Tin Khum ih MBC AGS a ngah lungawi thusimnak tuah hmuak ?um ah hitin a sim dah:

“Kawlram ah Pathian in siangbawi pawl hnen in Karen pawl hnen ah thluasuah a pek. Ral an thawh ruangah a laksal ih Kachin kutah a pek sal. Kachin te kha an sui le ngun ah an buai ih a laksal lala ih atu Laimi kut ah a pek. Laimi pawl ral-ring uh. Nan kut i ta laksaal a si lonak dingah,” tiin.

Voikhat cu Vaar lam in ka hung so. Sun Tseu khantlang ah mi pakhat ka tong. Cahnah rang a lu ah a pawngih “DINGTHLUK-LAIRELNAK (Seem 18:25),” ti’n a cal zawn ah a ngan. A hnipuan cu a khaungal zo. A mithmai a thlum lem lo. “Unau … zo na si? … khuiah na feh ding?”tiin ka sut. Anih in, “Keimah cu Dingthluk-lairelnak ka si. Ka seemsuahnak Lairam ah in duhnawn lo. Curuangah Lairam Laimi pawl lak in ka suah a ?ul,” i ti. Mangbang zet in kan zoh-aw! … A mitthli a rung for thluahthlo. “Unau, ziangruangah an lo duh nawn lo?” ti’n ka peh sal. Anih in;

“Laimi Pathian cu Dingfelnak, dingthluk-laireltu a si. Lairam hi dingfelnak ram a si ih dingfel zet ih nung le dingfel zet ih laireltu an si. Asinan, atu cu san kan man, kan piangthar an tiih nisuahcin in ramdang an feh. Nisuahcin in camping/crusade an tuah. An sungah dingfelnak a um nawn lo. Simthiam relthiamnak le theihnak in a cem. Khawpi sung cu inn tum deuh i piang in Private boarder inn an si ?heh. Thiam dingih zirh a um nawn lo. Ong dingih zir lawng a si. Dawr kai le sumdawng an tam sinsin. An tahfung le an tahhai a dik nawn lo. An sung muril ah dingfelnak a um nawn lo. Kei cu dingnak le felnak a duhtukmi ka si ruangah ‘Dingthluk-lairelnak’ a ti-awmi ka si. An lak ih ka tlem nawn lo ruangah siang lo cingten Lairam ka suahsan tum a si hi!” i ti.

Keimah khal kan ?ong rero lai ahcun ka mitthli rualriat a for ve. Kan hmailam veve kan pan ih kan ?ian-aw ta. Khawsung ka thlen hlan lo lamzin tluan in thu ka ruat. Oh! Chit Maung ih thu kha!!! … Laimi hnenah a kim nan in longsal pang pei maw?

Kan thisen ih um cia kan suahkeh, dingfelnak …

Kan pi kan pu i ro sunglawi, zawnlunnak …

Kan Biak kan Pathian ih, dingthluk-lairelnak …

Laimi sinak a simi, venghnen duhdawtnak …

Liam hram aw hlah … Sun Tseu khantlang in

Hmunhma khuar sal aw … Lairam thiangte ah

Ceng in caam hram aw … Lai mino lungthin ah

( Zinghmuh pulpit…sep-Oct sung ta lak mi  a si )

Comments

comments

Comments

%d bloggers like this: