Sumpai Hawlnak Hrang Ram Ṭhabik New Zealand

America ih ramthuhla hliakhlaitu pawl cun 2009 ahkhan U.S cu, Leitlun sumdawnnak, hnaṭuannak ram ah pakhatnak si nawnlo in pahnihnak ah a rak tla zo tiah an tarlang. Canada hin 5 nak sinak cu a co ban. UK ram in 10 a co ih Australia cun 11 a co.

New Zealand hin leitlun ram zate lakah hna ṭuannak ṭhabik ram sinak a hmu. A ram ah eiruknak a mal ih zalennak a ṭha.  New Zealand cu Australia thawn sumpai harsat kumpi a thlen can khalah harsa tuk loin an um thei. New Zealand hi 1999 ihsin a sumpai khawl daan a hnget sinsin thei.

America ramthuhla zingzawitu pawl cun tuikum ah ram 141 lenglo zohfelnak an nei. Leitlun ih hnatuannak ram ṭha le sumpai hawlnak ṭha an hawl daan ah tahfung tamzet an nei, cumi lak ihsin a thupi hleice mi pawl tla cu:

Zalennak, Neihmi thilri, taxes pek daan, thil thar an hmuhsuak daan, cet thilri thansohnak lam, eiruknak a tam le mal, zalennak hmangthiam le thiam lo, sumdawng pawl dinhmun, a rampi sumpai hman dawn pawl tla zoh in thrilnak an nei.

Cuihlei ah leitlun sumpai khawlnak hmunp Central Intelligence Agency, Freedom House, Heritage Foundation, Property Rights Alliance, Transparency International, World Bank le World Economic Forum pawl tiang an va sut bet.

Zingzawinak ahcun Denmark hin leitlun ih sumpai hawlnak ṭhabik sinak a co tin a tarlang. Nikum ihsin Denmark ram cu mangbangza in sumdawnnak le thil dangdang ah a ṭhangso ih a ramzalennak khal a mipipawl cun an hmang thiam zet tiah pahnihnak dinhmun a luah a si.

Hong Kong ram cun a pathumnak a ngah. Leitlun pumhuap a sumdawnnak lamzin ah a tluang nasa ih a tax pek a mal fawn ruangah sumupai a khawl thei. Nikum ah sumpai lamah 5% tlukin a ṭhangso ih hna ṭuannak neilo ih um cu 3.2% hrawng an si ding tiah a sim.

Singapore cun 4 nak dinhmun a luah ve thei. Singapore cun ramleng ah tamzet thil a kuat suak ih a sumpai neih mi a ṭhang ve zet. Cet thilrilam a tuah ih a hman khal a hmang ṭangkaizet fawn. 2011 ah nasaten a ṭhangso ih nikum ah 4.9% tlukin a hlan hnakin a thangso.

Comments

comments

Comments

%d bloggers like this: