Suh Kyi President Si Theinak Dawnkhammi Pawl Rem Tlak a si tin U Shwe Maan In Sim

https://i1.wp.com/burma.irrawaddy.org/wp-content/uploads/2013/10/20130720ShweMann_SuuKyi_thingyan.jpg?resize=610%2C407

2013 titoih puai ah Tura U Shwe Maan le Aungsan Suh kyi

2015 hrilawnak ah a Fair mi hrilawnak si dingin Daw AungSan Suh Kyi President ngah theinak dawnkhamtu 2008 daan hrampi ih tel President sinak tarlangmi cu rem a ṭha tin Pyihtaungsuh Hlutdaw Naayakah Pyituh hlutdaw Chairman Tura U Shwe Maan cun a sim.

Tuini (24.10.2013) Nepidaw hlutdaw innpi sung ih an tuahmi thuthang simfiangnak ah ” President quality bikhiah ruang ah Daw Aung San Suh Kyi President a si theilo ahcun 2015 hrilawnak cu a Fair mi hrilawnak pakhat tin kan ko thei ding maw” ti in Irrawaddy News ih an sutnak ih Tura U Shwe Maan in a sim kir salnak ah a tlunvekin a sim.

“2015 hrilawknak ah a Fair mi hrilawnak siding in daan hrampi pukmah 59(F) cu rem a ttha maw ti ih sutnak thawn pekpar in Free and Fair siding ahcun rem a ttha tin ka sim duh” ti ah U Shwe Maan cun a sim.

2008 daan hrampi ih tel President quality an tarlangmi sung ihsin pukmah (section) 59 (F) ah mah rori  siseh, mah ih Nu le Pa pakhatkhat siseh, mah ih Nupi (or) Pasal siseh, mah ih fale taktak a simi pakhatkhat siseh, cumi mai fale taktak a si mi ih Nupi (or) Pasal siseh Ramdang Cozah ih finkhawimi a co tu (or) Ramdang Cozah ih kuthnuai mi a si tu (or) Ramdang ah ramdangmi sinak a ngah tu pawl si hlah seh tin an tarlang ih cumi an tarlangmi cun Ramdang rammi sinak a neitu fa pahnih nei Daw Aungsan Suh Kyi hrangah Prisident si theinak covo cu a dawnkham.

U Shwe Maan cun a mah le mah President ttuan theiding in quality a neih thu, President a ttuan duhnakkhal Ram le Rammi pawl hrang ih hlawknak hrang ttuantheitubik mi pakhat si a duh ruangah a si thu,  a fimthiamnak le hmuhtonmi pawl ruangah Presiden ttuan ding inkhal a hran ih timlamaw a ttul lo thu le ziangvek ttuanvo khal a laktheiding a si thu a sim.

Daan hrampi rem ding thawn pehparin remtthat ding tikcu a thleng zo ih  Democracy tuahtthat le thlengawk nak siattir theiding daan hrampi ih an telh mi pawl hmuahhmuah remtthat tlak a si thu, A sinan Rampi daihnak, thudik daansungih umnak, Rampi tthasonak  pawl siatsuah lo ding a ttul thu, cumipawl a siatsuah ding a si ahcun  remlo ihum a ttha sawn ding tin a ruahnak pawl Tura U Shwe Maan in a sim.

– Irrawaddy News/ 24 October

 

Comments

comments

Comments

%d bloggers like this: