Sudan Ram Ih Biakinn Siatsuah

Workers-tear-down-church-building-in-Omdurman-Sudan.-Morning-Star-News-2

Sudan ramsung ah, simcianak le theihternak um lo riai in, Biakinn pakhat cu siatsuah a si thu Morning Star News cun a tarlang. Sudan ramsung khawpi, Khartoum ih ummi Church of Christ cu, January 24, 2014, Tlawngkai Nikhat ni ah, Bulldozers pawl thawn Biakinn hi siatter a si ih, an siatsuahmi pawl tla cu Khartoum tiva ah an hlawn thu thuthang ahcun tarlang a si. Church of Christ Biakinn ahhin, mi 300 hrawng member an si ih, ziangruangah an siatsuah timi cu cozah lam ihsin zianghman theihternak a um hrih lo.

Police-watch-as-Sudanese-Church-of-Christ-building-in-Omdurman-is-demolished.-Morning-Star-News

Sudan ram hi Muslim pawl ih ukmi ram a si ih, President tuan rero tu Omar al-Bashir cun, President a tuan hnu ah Islamic Sharia cu an ram hruaitu bik ah retin ram a hruai rero. Sharia daan ahcun, biaknak dang be pawl cun hmun an co ve lo ruangah, Sharia daan ih hruainak Sudan ramsung khal ah Christian pawl cun hmun an co mal zet ve thlang.Christian Solidarity Worldwide pawlin, kumtin Christian pawl ti duhdahnak ram an zohfel nak ah, 2012 December hnu ahcun, Sudan ram hi Christian pawl ti duhdahnak ram pakhat a si ve tiin an tarlang.

Comments

comments

Comments

%d bloggers like this: