Sualnak Nathrik Virus

August 3

Tlawngkai Nihnih 

Sualnak Nathrik Virus 

Siar:

Rom 6:14-23 

Sualnak ihsin luattermi nan si ih dingnak sal ah nan cang zo a si.

– Matthai 6:18 

Kumkhat Sung Baibal:

–   Saam 63-65

–   Rom 6 

Leitlun pumpi ah vok le ar natnak H1N1 a karhzainak ciamco ruangah nathrik Virus thu hi mi tampi in an thei, an ruat thuk ih an raalring cio. Nathrik Virus pawl cu thilnung (living organisms) an si ih mi an siatsuah theinak dingah le an karhzai ih an nun theinak dingah umnak hmun an neih a ttul. Nathrik, pa-ngang Virus cu a neitu in a theih awk hlan hmanah caan reipi a taksa sungah a rak um zo thei. Cuih caan sungah Virus cun theihtham loin tampi mi a siatsuah ih natnak a karhzaiter thei.  A umnak ihsin laak awla a cor ding, culole a thi ding.           

Cuvek in sualnak cun a nun theinak dingah beunak hmun a neih a ttul. Beunak hmun um lo cun porh awknak, duhhamnak, thinhennak le mahzawn lawng ruatnak tivek pawl cu anmah te’n zianghman an tuah thei lo. Sihmansehla sualnak cun a umnak minung a run neh tikah a umnak nu/pa a dam sung hmuah cu siatsuahnak hna a ttuan rero ding.           

Lungawiza a simi cu thinglamtah parih Jesuh thih tuarnak ruangah zumtu pawl cu sualnak ihsin luatter mi kan si zo (Rom 6:18). Misual kan silai hmanah kan sungih a ummi Thlarau Thianghlim in sualnak nathrik, tisa hiarnak ih sual lo dingin in bawm (Galati 5:16). Pathian ih innsangmi a si zomi cun cuih sualnak cu an tuah nawn lo, ziangahtile an sungah Pathian a nung (1John 3:9). Atu Thlarau Thianghlim rinsan in kan um, nikhat ni ah sualmawhnak nei loin lungawinak thawn a sunglawimi a umnak ah a lo thlenter ding (Judas 24).           

Hih thutak cu tuni sualnak nathrik (virus of sin) ih a siatsuah reromi leitlun ih na feh rerolai ah a lo hnemtu thu sunglawi maksak a si lo maw?    – C.P. Hia

 Siibawi Maksak in tidamnak a nei,

Kan sualnak nathrik Virus cu a that;

Amai’ sual tlenfainak thiisen sunglawi hmangin,

Cumi cu kan damnak le kan thianhlimnak a si.  -D.De Haan 

Sualnak cu nathrik Virus a si ih,

Khrih cu damternak a si.

(Visited 23 times, 1 visits today)

Comments

comments

Comments

%d bloggers like this: