Sualnak ih Sal

September 2
Zarhpi Ni

Sualnak ih Sal

Bible Siar Ding: Suahlannak 6:1-8

Kan Pathian cu mi ruuntu Pathian a si; Amah cu Bawipa a si ih thihnak ihsin in ruunsuaktu kan Bawipa a si.
– Saam 68:20

Sal sinak (Slavery) cu mitkemza a si. Cumi in minung sinak a namthla ih kan ruah ban lo khop tiang kong tampi in minung nunnak a siatsuah. Cumi tluk si cingin Israel Pathian cun A minung pawl khu kum zali sung rori miphun dang ram dang mi pawl ih kut sungah sal a taanter hngai.

Bawipa in Israel miphun cu sal dinhmun ah nasazet ih namnehnak tuarter a siang, ih zianghman neihmi an neih nawn lo tiang le Amah siar lo zohman rinsan ding an neih nawn lo caan a thlen tiang zonzaih retheinak tuar ding a sen a si. A netabik ih Amah lala in A minung pawl cu sal taannak sung ihsin a ruunsuah tikah, ziangtik hmanih an hngilh thei nawn lo ding, le anmah sungin zohman in samphang tiate hman ziangti kong zawng khal ih hmintthatnak an co thei nawn lo ding tiang hminsin tlakin a tuah a si.

Tuni ah, a tthangsozetmi mibur (society) sungih kan tlanleen theimi parah kanmah le kanmah cu kan nei lawm awzet ih sal cang thei nawn lo ding vekin kan ruat aw ttheu. Sualnak fate pakhat ih sal sinak cu ziangvek mi siava ih namneh tuar dingin in siatsuah thei nasa sawn timi hi kan thei lo. Sualnak sal taannak in kan minung sinak dinhmun a niamter. Cumi cun ningzak mualpho ko in tuah, ruahsannak nei lo, le mahte lawng lungleng ih in umter… Runsuaktu a ra thlenlai hlan lo.

Pathian in sal sinak sung ihsin ziangtik hmanih kan hngilh thei nawn lo dingmi le zo khal in hmintthatnak an co thei lonak ding lamzin hmangin in ruunsuak a si. Khrih in kanmah te cun ziangtite hman ih kan ttuah thei dah lo dingmi rundamnak hna cu a ttuan ttheh. Sualnak le ningzah mualphonak thik cikcin ih ttawnttemnak cu thinglamtah parih a ttheh zomi parah rinnak thawn kan hngatsan tikah a hlo thluh viar a si.

Bawipa Pathian, i Tlentu na sinak parah ka lungawi. A sualralzetmi sal sinak huham sung ihsin i ruunsuahnak thu cu ziangtik hmanah ka hmu niam dah lo ding.

Sualnak ih sal ka si nawn lo kan ti a asile, ziangruangah so sual sungih tluk ding cu kan hrilmi a si ringring.
Tuni ah ziangti’n in Tlentu Bawipa cu ka hngauhsan thei ding?

@ Ava Pennington

(Visited 23 times, 1 visits today)

Comments

comments

Comments

%d bloggers like this: