SUALNAK HMIN DING

January 16

Tlawngkai Ninga

 

Sualnak Hmin Dang

 

Siar:

Seemtirnak 39:1-9

 

Ziangtinso cutluk thil sia ka tuah dingih Pathian hmai ah ka sual ding?   – Seemtirnak 39:9

 

Kumkhat sung Baibal:

          Seemtirnak 39-40

          Matthai 11

 

Joseph cu a pinu in sualpi dingih a leem tikah har a tizet ding. A pinu ih thinhennak cu ttihnungza a si ding ti a thei ko nain Joseph in a el.

 

Sualforhnak sungin Joseph a tlan hloh theinak cu sualnak a hmuh fiangnak le Pathian a ttihzahnak ihsin a rami a si. Joseph in nunau hnenah, “Ziangtinso cutluk thil sia ka tuah dingih Pathian hmai ah ka sual ding?” (Seem. 39:9) a ti.

 

Tulai san ah sualnak hi mi in cohlang thei dingin hmin neepzet a phunphun in an ko. Asinain Pathian duh lo zawng tuah hnuhnu cu kan thazaang a malter.

 

Joseph hrang ahcun sualnak timi cu, “A dik lo ih thutthennak tuah,” ti menmen a si lo. T.ongsual ti men khal a si lo. Remcaan lo laifang ih “Ralring ngah lo” ti men khal a si lo. Sualnak cu ziangvek a si ti a hmu fiang. Pathian dodalnak a si ti a thei ih ziangtluk in tuah hahioza sihmansehla a tuah duh hrimhrim lo.

 

Pathian ih lungput cu a fekfel lawlaw. Sualnak cu Pathian ih fihmi tiih kan hmuh thiam lawngah thutthennak dik kan tuah thei ding.

 

Sualnak cu neepzet le neemzet ih a hmin kan saal ruangah Pathian ih duh lo zawng tuahnak le liamkuan ding ihsin kan thlengh danglamter thei cuang lo ding.

 

Sualnak ka tuahmi ruangah maw,

Thing parih a ai-hram?

Mangbangza zaangfahnak theih cawk lo,

Duhdawtnak tah baan lo.

 

Sualnak cohlan ruangah ngaidamnak a um lo.

Comments

comments

Comments

%d bloggers like this: