Sual Cu Khuitawk ah Thutthen A Si?

January 31

Tlawngkai Nili

 

Sual Cu Khuitawk ah Thutthen A Si?

 

Bible Siar Ding: Thuphuan 20:11-15

 

Leitlun mi hmuahhmuah thutthentu cun dingthluk lairelnak thawn thu a tthen lo ding maw?    – Seemtirnak 18:25

 

Thutthentu in cabu pawl a vun kau. Aw ringzet in hmin pawl cu a siar, ih mawh an phurhmi pawl cu an ningzak in an lu an kuun. A netabik ah, thutthentu in netabik cabu a vun kau ih an hmin pawl cu nuamnai tein a siar, ih cule A sobul in a cuum. Sual hmuahhmuah le misual hmuahhmuah cu thutthen an si ih… mawhphurh an si.

Bible in netabik thutthennak thu a sim. Jesuh Khrih ih rundamnak a rinsantu cun an sualnak cu Pathian ih thianhlimnak tahfung thawn tah an si loih Khrih ih dingfelnak an co zo ti an thei aw. Jesuh Khrih tel loih mahte dingfel pawl cu thutthen an si dingih an mawhpalhnak pawl cu an tuahmi vekin hmuhsak an si ding. A famkimmi Jesuh Khrih ih dingfelnak tel loin an hmin pawl cu Nunnak Cabu (Book of Life) sungah hmuh a si lo dingih a netabik an thlennak ding khal tacik khensak a si lo ding.

Pathian in sual hmuahhmuah cu thu a tthen tengteng ding. Sihmansehla, a dingfelmi kan thutthentu cun khuitawk ah (where) thutthen sak na duh ti’n duhhril ding (choice) in pek: Khrih ih thinglamtah hram ah maw, asilole Amah ih a maksakmi tokham rang thutthennak hmai sawn ah?

Pathian in duhhrilnak tuah ding in pek, ih a hnuthlun cu kan co ding a si.

 

Thianghlim Bawipa, Nang cu dingthluk lairelnak neitu na si. Thinglamtah ah ziangti’n sual thutthennak ka nei ding ti in hmuh ih Na bawi tokham ih thutthen ka ton lo ding ruangah ka lungawi.

 

Khrih thinglamtah ah sual thutthen ka si zo maw? A si lo asile ziangruangah? A si asile tuni ah ziangti’n Khrih ih dingfelnak ka neih ruangah Pathian hnenah lungawithu ka sim ding?

 

@Ava Pennington

(Visited 84 times, 1 visits today)

Comments

comments

Comments

%d bloggers like this: