Steven Gerard Captain Ah Hril Ding

Meifar: Poland& Ukraine ih an tuah mi Euro 2012 ah England Football Team cu hlawhtling lo hman sehla an Captain Steven Gerard cun Captain a tuan peh vivo hrih ding ih 2014 Brazil World Cup tiang a tuan ding ti thu dawn a si. England cun Wuro 2012 Quarter ah Italy an neh lo ih 2002 & 2006 World Cup, 2004 Euro ih Quarter tiang lawng thlen Record sia cu an lan thei hrihlo.

England lektupawl khal duh vekin an cang thei lo hleiah Captain Seteven Gerard khal an team cu a hoha thei lo tiah an sawisel. Asinan England lektupawl Press Conference an neihnakah Gerard cun, “Euro Cup dinhmun cu rehsiatza a si ko nan kan lehdan ah ka lungkim. Quarter final mangsia thiat thei dingah nai zet cingihkan sung cu a beidawn thlak khawp mai.

Puai thehah Roy Hudson thawn kan tawngaw ih a tul tiangtiang lehsak dingin ka sim ih anih khalin England hrang lehsak hrih dingin in dil. Kei khalin 2014 tiang Captain dinhmun in ka hoha hrih ding tiah thu ka tiam” a ti

Delbosqe In Vanthat Ruangah Neh Ti

Meifar: Spain lekzirhtu Delbosqe cun Portugale an neh cu an vanthat ruangah a si tiah a rel. Delbosqe cun Potugale ih lehdan cu a fak ih ke rualaw tak puai a si a ti. “Portugale ih lehdan le ke cu ka fak nasa. Hi Cup hi dinhmun thawn a milaw mi thiamnak tiah ka ti duh. Kan nih hi kan van that ruangah liolio kan neh a si” a ti. Khai tumah khan Spain cu Portugale in an nawr nasat ruangah duh vekin kawl thun theinak khal an tuah lo. Cuih thu thawn pehparaw in, “ Kan pahnih in kawl thunnak can tha tampi kan ngah lo.

Kannih hi kawlhmai rinsan ih lek cu kan si lo nan puai ih zirin kan lek theu. Kan back-pawl an that tuk ruangah kawlhmai rinsan ih lek khal kan bang thlathluh” a ti.

Hi tumah hin Real Back -Abeloa cu a cangtha nasa mai ih Real ih a lehpi c. Ronaldo cu tha takin a kil neh riai. Cumi thawn pehparaw in Delbosqe cun,” C. Ronaldo vek kil neh hi a awl lo ngaingai. Asinan himi hi tu puai hrang kan tumtah mi pakhat a si. Abeloa cun cuih hna harsa cu tuanvo a la ih a hlawhtling ta riai. Quaarter khalah France ih Ribery neh ko a kil zo. Curuangah fak tlak hrimhrim a si” a ti. Culawng si loin tui tum Cup ih hminthang Spain kawlhmai Romas Pique le Elba pawlkawm cu ka fak lo thei lo a ti fawn.

(Visited 43 times, 1 visits today)

Comments

comments

Comments

%d bloggers like this: