Staff Notation Thawn Falam Tong In Khristian Hlabupi Thar A Suak Zo

11890942_859650174089620_5686852719879746897_n
Zuk: Rev. S. Hlawn Hmung in Staff Notation thawn suahmi Khrihstian Hlabupi thar a ken lai. Zuktu: Salai Lal Nun Uk

– Salai Lal Nun Uk

2015 kum July thla lai ah Staff Notation thawn Falam tong in Khristian Hlabupi thar an suah zo thu theih a si. “Bu thawng thum suah ding ti si nan a sualmi a um pang le remsal duh ah bu thawng khat lawng kan suah hrih” tiah Falam Baptist Pawlkom (FBP) zung ih Calai sungtuan Pastor Biak Run Thang in a sim.

Khristian Hlabupi, Staff Notation in a suah theinak dingah kum thum lenglo caan an lak thu, ca nam hlan ah vei (5) lenglo an zoh sal thu Staff Note thawn Khrihtian hlabupi cangsuak committee ih Music Editor Rev. S. Hlawn Hmung in a sim. “Kan hlan kum (30) le kum (20) ah Si Zang le Tedim in Staff Note hlabu pi an rak nei zo. Sinan Music editor ngaingai an rak nei lo. Tui Falam tong ih kan suahmi hi ka diriam bik” tiah Rev. S. Hlawn Hmung in a sim.

Chin khawvel ah Staff Notation thawn Khristian hlabupi nei lakah Falam hi a pathumnak kan si. Staff Note thawn hlabupi a rak nei hmaisabiktu hi Si Zang an si ih 1985 kum sehvel ah an tuah. “Tonic Solfa ih tuanmi hlabupi khal kan suah rero thotho ding” tiah Pastor Biak Run Thang in a sim.

Staff Note thawn Khristian hlabupi a suah theinak dingah a tulsammi sumpai pawl cu Rev. Dr. Biak Hlei Mang le Daw Hniar Mang tei’ innsang in hringtu an pa, Pu Sia Mui (tlei) hngilhlonak ah ti in FBP ah an pekmi a si. “Mi hlutmi man nei ih kan zuar rero nak cu neta suah duh leh sal tikah hman ding ah a zin fangfang in kan zuar” tiah Pastor Biak Run Thang in a sim bet.

Tu ah Staff Notation Khristian hlabupi hi FBC, Ygn ah siseh, FBA, Falam ah siseh; LBA le FBP zung pawl ah siseh bu khat thawng thum in an zuar rero.

11899908_859650234089614_3114649875527147884_n

 

(Visited 134 times, 1 visits today)

Comments

comments

One Comment

  1. Tampin suah thei zuam uh, Ram dang a thleng mi pawl khalin kan lo cah duh nasa ding.

Comments

%d bloggers like this: