SSA-S Palai Pawl Naypyidaw Ah Feh Ding!

Irrawaddy, BDC | January 6

Shan ram kilhimtu, hel, SSA-S palai pawl cu a vei thumnak hrangah Kawlram thuneitu pawl thawn tu’i thla a zarh thumnak ah rualremnak hawl in Kawlram khawpi, Naypyidaw ah biakawknak an nei ding.

Hi biakawknak an neih ding mi ah Kawlram cozah lam cun tlangleng lam ih thuneitu, minister of transportation, U Awng Min cu tawnawknak ih rak dawngsawng ding ah an thlah ding ih SSA-S ihsin palai 10 lenglo an tel ding thu Kawlram thuthangca in a tarlang.

Hi tawnawknak an neih dingmi ah SSA-S cun Shan ram sung ih acozah ralkap thawn kahawknak thleng theu pawl daiter a si theinak ding thu, ramsung buainak a phunphun pawl cu daan vek in felfai zet ih remthat a si theinak ding thu, SSA-S hrangih central zone tuahsak a si theinak ding thu, ram thansohnak ding ih kutkaiaw ih hnatuan tlang theinak ding thu le acozah thawn kutkaiaw in ramsung mipi siatsuah thei rittheih thil pawl dodal ding thu pawl thawn pehparawin thurelkawmnak an nei ding a si.

Cuhleiah Shan state, Tawnggi, Khulan, Ceih-Thung, Tachi-Leih le Myein Seih Township le a kaingkap pawl cu SSA-S ih ram ah pe ding khal in Kawlram thuneitu pawl hnenah an ngen tel ding a si.  Kawlram cozah thuneitu pawl cun tu’i thla sungah KNU, KIO le CNF palai pawl thawn khal tawnawknak le thurelkhawmnak neih a tum thu Kawlram thuthangca in a tarlang bet.

(Visited 41 times, 1 visits today)

Comments

comments

Comments

%d bloggers like this: