SSA North : A Rei Hlanah Kawlram Cozah Thawn Remnak Thu Rel Ding

BBC | January 24

SSA South Le SSA North Senior Official Tawnawk Lai

Kawlram cozah cun ram remthat-awknak hrangah tubai te hrawng ihsin ramsung hriamhrei keng hel thawn rualremnak le remnak a tuah rero zo ih SSA North khal a rei hlan ah remnak hawl in biakawknak an neihpi tum thu ramsung thuthangca in a tarlang.

Kawlram cozah cun Bogyok Pan Phah hohami SSPP/SSA cu remnak hawl in biakawknak a neihpi tum ruangah timlamnak an nei rero zo a si. Cutiasiruangah, SSPP/SSA cun Kawlram cozah thawn biakawknak cu January 28, zarhteni ah Tawng-gi ih an neih duh thu an sim thei zo ih SSPP/SSA cun ‘pyi-thawng-suh’ level ih remnak sign tuah dingah committee le State level ih biakawknak fehpi tu dingah committee pakhat, committee pahnih rori thawn biakawknak an neihpi ding asi.

‘Pyi-thawng-suh’ level biakawknak nei ding committee cu Foreign minister bo-hmu-gi Khuan Sein in a hoha ding ih a dang pakhat sawn cu SSPp/SSA assistant secretary bo-hmu-gi Khe Theing in a hoha ding a si.

A hmaisa in State level in biakawknak hi neih hmaisat a si ding ih State level ah remnak an tuah felfai thei ngaingai a siahcun ‘pyi-thawng-suh’ level ih biakawknak khal an neih cih ding thu bo-hmu-gi Sein Hlah in a rel. SSA/SSPP in ziang mibik cu an dil/ngen ding ti theih fian a si hrihlo nan a lobik ah cun State level ah kahawk-nak a um nawn lonak ding in biakawknak an neihpi in remnak sign tal an thut thei tum thu khal a rel tel bet.

(Visited 34 times, 1 visits today)

Comments

comments

Comments

%d bloggers like this: