Srilankan in Russia tuahmi meithal lei tum:

Kan dung zarhpi ni ah Srilanka president Mahinda Rajapakse cu Russia ram ah feh in raalkap hman ding meithal leinak ding cakhen tuah a tum tiah Russia ram ih thuthangca RIA cun a ngan. Sri Lanka acozah cun kan dung 2009 May thla ah LTTE pawl thawn an do awknak ah nehnak a co zo ih, cuti cingih meithal lei bet a tum vivo cu ram dang pawlin an sawi sel.

Asinan Russia cun UN meeting nak ah Sri Lanka dinhmun cu a hum ih, tui’ zarh sungih Rajapaksa in Russia a tlawnnak ah meithal US$ 300 million man leinak ding tuah an tum thu a sim. Sri Lanka hin 2009 sungah India le Tuluk tuahmi meithal US$ 200 million man lei a rak tum zo mi cu LTTE pawl an neh ruangah a cancel saal. LTTE thawn an do awk lai ah Sri Lanka raalkap bawibik (General) Sarath Fonseka cu an president Mahinda Rajapakse thawn an rem aw zet na’n 2009 November thla ah general a sinak tan san in, president hril awknak ah dinhmun a long ih, cuihsin Rajapaksa cun Tuluk le India hnen ihsin meithal leinak ding sumpai eiru tu tiah a puhmawh.

Sri Lanka acozah in 2008 le 2009 ih LTTE a donak ah US$ 1.7 billions a cem ih, cucu kum khat sungih an ram budget 17% hrawng a si. Russia cun a ramsungih lakphak (tea) tamsawn cu Sri Lanka ihsin a leimi a si tiah a ti. – Reuters

Hruaitu Thuthang dang siarbet

(Visited 40 times, 1 visits today)

Comments

comments

Comments

%d bloggers like this: